Union Budget 2026: अर्थमंत्री निर्मला सीतारमण संसदेत अर्थसंकल्प सादर करत आहेत. यावेळी त्यांनी धोरणात्मक आणि अग्रगण्य क्षेत्रांमध्ये उत्पादन वाढवण्यासाठी महत्त्वाच्या योजना सुरू करण्याचा प्रस्ताव मांडला आहे. कॅन्सर आणि मधुमेहावरील औषधे स्वस्त करण्यावरही सरकारचा भर राहणार आहे, ज्यामुळे लोकांचे जीवनमान उंचावण्यास मदत होईल. देशातील बायोफार्मास्युटिकल क्षेत्राच्या विकासामुळे कर्करोग आणि मधुमेहासारख्या गंभीर आजारांवरील औषधं स्वस्त होतील. भविष्यातील नोकऱ्या निर्माण करण्यासाठी आणि निवडक निकषांवर आधारित उद्योगांना प्रोत्साहन देण्यासाठी सरकार १०,००० कोटी रुपयांचा समर्पित एसएमई ग्रोथ फंड सुरू करण्याचा प्रस्ताव ठेवत असल्याचं सीतारमण यांनी सांगितलं. सेमीकंडक्टर क्षेत्रासाठी 40 हजार कोटी रुपयांची तरतूद या अर्थसंकल्पात सेमीकंडक्टर क्षेत्रासाठी 40 हजार कोटी रुपयांची तरतूद प्रस्तावित आहे, ज्यामुळे भारताला सेमीकंडक्टर उत्पादनात आत्मनिर्भर बनवण्याचे लक्ष्य आहे. बायोफार्मा क्षेत्रासाठी 10 हजार कोटी रुपयांची तरतूद असून, पुढील पाच वर्षांत 10 हजार कोटींची बायोफार्मा पॉवर तयार करण्याचा प्रस्ताव आहे, ज्यामुळे भारत बायोफार्मा उत्पादनाचा एक प्रमुख हब बनेल. सूक्ष्म आणि लघु उद्योगांसाठी देखील 10 हजार कोटी रुपयांची तरतूद करण्यात आली आहे. याशिवाय मेगा टेक्स्टाईल पार्कची उभारणी, कंटेनर निर्मितीसाठी 10 हजार कोटींची तरतूद आणि ओडिशा, केरळ, आंध्रप्रदेशसह चार राज्यांमध्ये खनिज कॉरिडोर तयार करण्याची योजना आहे. Union Budget 2026: “सबका साथ, सबका विकास”; अर्थमंत्री सीतारमण यांनी दिला तीन कर्तव्यांवर भर हेही वाचा: Union Budget 2026: “सबका साथ, सबका विकास”; अर्थमंत्री सीतारमण यांनी दिला तीन कर्तव्यांवर भर
