Umesh Yadav Leaves : “मला बाहेर काढण्याचा आधीच कट रचला होता!”; १८ वर्षांनंतर उमेश यादवने का सोडली विदर्भाची साथ?
Umesh Yadav Leaves : दुखापतीतून परतल्यानंतर विदर्भ संघ व्यवस्थापनाकडून मिळालेल्या पाठिंब्याच्या अभावामुळे आणि दुर्लक्षामुळे व्यथित झालेल्या भारतीय वेगवान गोलंदाज उमेश यादवने आपली १८ वर्षांची भागीदारी तोडून पंजाब संघात प्रवेश केला आहे.
Umesh Yadav Leaves Vidarbha Joins Punjab Ranji Trophy Alleges Politics : भारतीय संघाचा अनुभवी वेगवान गोलंदाज उमेश यादवने (Umesh Yadav) विदर्भ क्रिकेट संघाशी असलेले तब्बल १८ वर्षांचे नाते अचानक संपुष्टात आणत पंजाब संघाचा हात धरला आहे. २००८ मध्ये पदार्पण केल्यानंतर विदर्भाकडून १८ हंगाम खेळणाऱ्या ३८ वर्षीय उमेशने २०२६-२७ च्या देशांतर्गत हंगामापूर्वी संघ सोडल्याने क्रीडावर्तुळात चर्चा रंगली होती. आता एका मुलाखतीत त्याने या कटू निर्णयामागचे धक्कादायक वास्तव समोर आणत, व्यवस्थापनाने आपल्याला संघातून बाहेर काढण्याचा पद्धतशीर कट रचल्याचा थेट आरोप केला आहे.
“दुखापतीतून परतलो, पण मला बाहेर काढण्याचे प्लॅनिंग सुरू झाले!”
उमेशने सांगितले की, २०२४ मधील ॲकिलिस टेंडनच्या शस्त्रक्रियेनंतर आणि एका वर्षाच्या मोठ्या ब्रेकनंतर जेव्हा त्याने मैदानावर पुनरागमन केले, तेव्हा त्याला पाठींब्याऐवजी व्यवस्थापनाकडून उपेक्षा मिळाली. २०२५-२६ च्या सय्यद मुश्ताक अली ट्रॉफीसाठी त्याने टी-२० संघाचे कर्णधारपद मागितले होते; कारण जेतेपदाच्या प्रेरणेने तो अधिक दमदार कामगिरी करू शकला असता. मात्र, त्याची मागणी धुडकावून लावत त्याला केवळ दोन सामने खेळवून थेट बेंचवर बसवले गेले.
निवडकर्त्यांची मनमानी; हुकूम चालवण्यासाठी तरुणांकडे नेतृत्व!
‘Your Time Is Over’: | EXCLUSIVE
Umesh Yadav refuses to let Vidarbha exit write his ending; reveals why Punjab broke a 34-Year tradition for him and how the deal happened, reports @saj_sajal @BCCIdomestic https://t.co/s0kHHOJ3PB
— Times Now Sports (@timesnowsports) October 8, 2026
निवडकर्ते आणि प्रशिक्षकांच्या हेतूवर रोखठोक सवाल उपस्थित करताना उमेश म्हणाला, “निवडकर्त्यांनी मुद्दाम युवा खेळाडूंना कर्णधार बनवले, जेणेकरून ते त्यांच्यावर दबाव आणून स्वतःचे निर्णय लादू शकतील. चर्चा केल्यानंतर मला साखळी फेरीतील शेवटचा सामना खेळायला मिळाला. त्यानंतर एकदिवसीय निवड चाचणी सामन्यात मी पूर्ण १० षटके गोलंदाजी केली होती; पण संध्याकाळी जेव्हा विजय हजारे ट्रॉफीचा संघ जाहीर झाला, तेव्हा मला कोणतेही कारण न देता थेट डच्चू देण्यात आला.”
८ डिसेंबर २०२५ ला खेळला विदर्भासाठी शेवटचा सामना!
उमेश यादवने विदर्भासाठी आपला अखेरचा सामना ८ डिसेंबर २०२५ रोजी सय्यद मुश्ताक अली स्पर्धेत आंध्र प्रदेशविरुद्ध खेळला होता. त्यात त्याने ४ षटकांत २८ धावा देऊन २ विकेट्स घेतले होते. अखेर अंतर्गत राजकारणाला कंटाळून त्याने विदर्भाला रामराम ठोकून पंजाब संघात प्रवेश करण्याचा निर्णय घेतला.
