Ukraine Drone Attack। रशिया आणि युक्रेनमधील सुरू असलेले युद्ध संपवण्याचे प्रयत्न पुन्हा एकदा तीव्र होत असल्याचे दिसून येत आहे. रशियाने सोमवारी आरोप केला की युक्रेनने उत्तर रशियातील राष्ट्राध्यक्ष व्लादिमीर पुतिन यांच्या निवासस्थानावर मोठ्या प्रमाणात ड्रोन हल्ला करण्याचा प्रयत्न केला. रशियाचा दावा आहे की, या कथित हल्ल्यात एकूण 91 ड्रोन वापरले गेले होते, जे रशियन हवाई संरक्षण प्रणालींनी वेळीच पाडले. शांतता चर्चेदरम्यान झालेल्या या हल्ल्यामुळे अमेरिकेचे राष्ट्राध्यक्ष ट्रम्प तीव्र संतापले आहेत. त्यांनी पुतिन यांच्याशी चर्चा केली आहे. युक्रेनने हे आरोप स्पष्टपणे फेटाळून लावले आहेत. युक्रेनचे राष्ट्राध्यक्ष वोलोदिमिर झेलेन्स्की यांनी याला रशियाकडून “खोटे बोलण्याचा आणखी एक टप्पा” म्हटले आहे आणि शांतता चर्चेला कमकुवत करण्यासाठी अशी विधाने केली जात असल्याचा आरोप त्यांनी यावली केला आहे. आरोपांच्या या देवाणघेवाणीमुळे दोन्ही देशांमधील राजनैतिक तणाव आणखी वाढला आहे. अमेरिकेचे राष्ट्राध्यक्ष डोनाल्ड ट्रम्प यांनाही या प्रकरणात हस्तक्षेप करावा लागला. ट्रम्प म्हणाले की, राष्ट्राध्यक्ष पुतिन यांनी स्वतः त्यांना फोन करून कथित ड्रोन हल्ल्याची माहिती दिली. फ्लोरिडामध्ये इस्रायली पंतप्रधान बेंजामिन नेतान्याहू यांची भेट घेण्यापूर्वी ट्रम्प यांनी माध्यमांना सांगितले की पुतिन यांनी आज सकाळी त्यांना सांगितले होते की त्यांच्यावर हल्ला झाला आहे. ट्रम्प यांनी नाराजी व्यक्त केली, परंतु हा दावा खोटा असू शकतो हे मान्य केले. Ukraine Drone Attack। राष्ट्राध्यक्ष ट्रम्प म्हणाले, “युद्धादरम्यान हल्ला करणे ही एक गोष्ट आहे आणि नेत्याच्या घरावर हल्ला करणे ही दुसरी गोष्ट आहे. हे करण्याची ही योग्य वेळ नाही.” त्यांनी असेही स्पष्ट केले की,” जर ही घटना खरी ठरली तर त्यामुळे तणाव आणखी वाढू शकतो.” ट्रम्प यांनी गेल्या २४ तासांत पुतिन यांच्याशी दोनदा चर्चा केली आहे. एक दिवस आधी त्यांनी युक्रेनचे राष्ट्राध्यक्ष झेलेन्स्की यांचीही भेट घेतली. ट्रम्प यांच्या मते, पुतिन यांच्याशी त्यांची चर्चा “खूप सकारात्मक” होती आणि काही गुंतागुंतीच्या समस्या असूनही, शांततेच्या आशा संपलेल्या नाहीत. दरम्यान, राष्ट्राध्यक्ष पुतिन यांनी त्यांच्या लष्करी दलांना युक्रेनच्या झापोरिझिया प्रदेशावर पूर्ण नियंत्रण मिळविण्यासाठी त्यांची मोहीम तीव्र करण्याचे निर्देश दिले आहेत. क्रेमलिनने पुन्हा एकदा युक्रेनने डोनबासच्या ज्या भागात अजूनही त्यांची उपस्थिती आहे तिथून आपले सैन्य मागे घ्यावे अशी मागणी केली आहे. तज्ज्ञांचा असा विश्वास आहे की जर हा ड्रोन हल्ल्याचा दावा खरा ठरला तर रशिया-युक्रेन संघर्षात आणखी एक मोठा वळण येऊ शकतो, जो आधीच नाजूक असलेल्या शांतता प्रयत्नांना गंभीर धक्का देईल. Ukraine Drone Attack।
