Udhayanidhi Stalin : तामिळनाडूचे उपमुख्यमंत्री आणि द्रमुक (डीएमके) नेते उदयनिधी स्टॅलिन (Udhayanidhi Stalin) यांनी भाजपवर जोरदार हल्ला चढवला. भाजपने पुदुच्चेरीला आपल्या जनविरोधी धोरणांचे ‘प्रयोगशाळा’ बनवले आहे, दिल्लीतून रिमोट कंट्रोलद्वारे या केंद्रशासित प्रदेशाचा कारभार चालवला जात आहे,” असा खळबळजनक आरोप त्यांनी मंगळवारी मुदलियारपेट येथील प्रचारसभेत केला. पंतप्रधान मोदींच्या ‘डबल इंजिन’ सरकारच्या घोषणेची खिल्ली उडवताना उदयनिधी (Udhayanidhi Stalin) म्हणाले की, या सरकारने विकासाच्या नावाखाली शून्य काम केले आहे. याउलट, तामिळनाडूतील ‘सिंगल इंजिन’ असलेल्या द्रविड मॉडेल सरकारने ११.१९ टक्के असा दुहेरी अंकी आर्थिक विकास दर गाठला आहे. भाजप प्रणित एनआर काँग्रेस सरकारने पुदुच्चेरीच्या भावी पिढ्यांचे भविष्य उद्ध्वस्त करणारे राष्ट्रीय शिक्षण धोरण लागू केल्याचा आरोपही त्यांनी केला. Udhayanidhi Stalin। पुदुच्चेरी विधानसभेने १६ वेळा ठराव मांडूनही केंद्राने या प्रदेशाला ‘राज्याचा दर्जा’ दिलेला नाही. कारण राज्याचा दर्जा मिळाल्यास राज्यपालांचे अधिकार संपुष्टात येतील, असे उदयनिधी (Udhayanidhi Stalin) यांनी नमूद केले. निवडून आलेल्या सरकारला किंमत न देता राज्यपाल प्रत्येक बाबतीत हस्तक्षेप करत असून, ही लोकशाहीची थट्टा असल्याचे त्यांनी सांगितले. तामिळनाडूत ज्याप्रमाणे अण्णाद्रमुकच्या खांद्यावर स्वार होऊन भाजप राजकारण करत आहे, तोच प्रकार पुदुच्चेरीत सुरू असल्याचे त्यांनी स्पष्ट केले. भ्रष्टाचाराचे गंभीर आरोप स्मार्ट सिटी प्रकल्प, सार्वजनिक बांधकाम विभाग आणि विद्यार्थ्यांना लॅपटॉप वाटप योजनांमध्ये एनडीए सरकारने मोठा भ्रष्टाचार केल्याचा दावा उदयनिधी (Udhayanidhi Stalin) यांनी केला. ९ एप्रिल रोजी होणाऱ्या निवडणुकीत पुदुच्चेरीच्या स्वाभिमानासाठी द्रमुक-काँग्रेस आघाडीला विजयी करण्याचे आवाहन त्यांनी केले. तामिळनाडूसोबतच पुदुच्चेरीतूनही भाजपच्या वर्चस्वाला पूर्णविराम देण्याची हीच योग्य वेळ असल्याचे त्यांनी ठासून सांगितले.