Trump on India-Russia Deal।  भारतावर २५ टक्के कर लावण्याची घोषणा केल्यानंतर, अमेरिकेचे अध्यक्ष डोनाल्ड ट्रम्प यांनी आणखी एक मोठा धक्का दिला आहे. भारत आणि रशियावर थेट निशाणा साधत डोनाल्ड ट्रम्प यांनी, “त्यांना रशियासोबतच्या भारताच्या व्यवहारांची पर्वा नाही, तसेच दोघेही मिळून त्यांच्या मृत अर्थव्यवस्थांना खाली आणू शकतात.” असा गंभीर आरोप त्यांनी केला आहे.

“मला पर्वा नाही भारत रशियासोबत…” Trump on India-Russia Deal।

अमेरिकेचे अध्यक्ष डोनाल्ड ट्रम्प यांनी त्यांच्या सोशलवरील पोस्टमध्ये भारत आणि रशियावर थेट निशाणा साधला आहे. यासाठी काही वेळापूर्वी एक पोस्ट लिहिली आहे. त्यात त्यांनी, “भारत रशियासोबत काय करतो याची मला पर्वा नाही. आम्ही भारतासोबत खूप कमी व्यापार केला आहे. त्यांचे कर खूप जास्त आहेत, जगातील सर्वात जास्त करांपैकी एक. त्याचप्रमाणे, रशिया आणि अमेरिका देखील जवळजवळ कोणताही व्यापार करत नाहीत. ते असेच राहू द्या.”असे त्यांनी म्हटले आहे.

रशियाचे माजी अध्यक्ष दिमित्री मेदवेदेव यांना लक्ष्य केले 
अमेरिकेच्या अध्यक्षांनी रशियाचे माजी अध्यक्ष दिमित्री मेदवेदेव यांनाही लक्ष्य केले. मेदवेदेव यांनी वॉशिंग्टन डीसीच्या रशियासोबतच्या अल्टिमेटम गेममुळे युद्ध होऊ शकते असा इशारा दिला होता. अमेरिकन अध्यक्ष म्हणाले, “रशियाचे अपयशी माजी अध्यक्ष मेदवेदेव, ज्यांना अजूनही वाटते की ते अध्यक्ष आहेत, त्यांना त्यांचे शब्द पाहण्यास सांगा. ते खूप धोकादायक क्षेत्रात प्रवेश करत आहेत.”असे म्हणत त्यांनी रशियावर टीका केली.

भारत-रशिया संरक्षण संबंध Trump on India-Russia Deal। 
भारत गेल्या काही वर्षांपासून रशियाकडून संरक्षण उपकरणे, तेल आणि ऊर्जा संसाधने खरेदी करत आहे. अलिकडच्या काळात, भारताने रशियाकडून एस-४०० हवाई संरक्षण प्रणाली, कच्चे तेल आणि इतर सामरिक संसाधने आयात करणे सुरू ठेवले आहे, ज्याकडे अमेरिका संशयाने पाहते. भारताने आतापर्यंत अमेरिकेशी मजबूत संबंध राखले असले तरी, रशियाशी त्याचे दशकांपूर्वीचे धोरणात्मक संबंध देखील आहेत. भारताच्या परराष्ट्र धोरणाचा आधार एक स्वायत्त आणि बहुपक्षीय दृष्टिकोन आहे. दरम्यान, भारत आणि अमेरिका यांच्यात व्यापार चर्चा देखील सुरू आहेत. यावर, भारत सरकारने म्हटले आहे की भारत आणि अमेरिका गेल्या काही महिन्यांपासून एक निष्पक्ष, संतुलित आणि परस्पर फायदेशीर द्विपक्षीय व्यापार करारावर वाटाघाटी करत आहेत.