Eknath Shinde : “मला कोपऱ्यात कोणी टाकलं?” एकनाथ शिंदे भाषण संपताच भडकले; नेमकं काय घडलं?
Eknath Shinde : 'शरीरात रक्ताचा शेवटचा थेंब असेपर्यंत शेतकऱ्यांच्या आणि कार्यकर्त्यांच्या पाठीशी खंबीरपणे उभा राहीन'
Eknath Shinde : शिंदेंच्या शिवसेनेचा मुंबईतील गोरेगाव येथे नेस्को सेंटर येथे दसरा मेळावा पार पडला. यावेळी शिंदेंनी उद्धव ठाकरेंवर टीका केली. “शिवसेना भाजप युतीला २०१९ च्या विधानसभा निवडणुकीत स्पष्ट बहुमत असताना तुम्ही महाविकास आघाडीसोबत सरकार बनवलं तीच सर्वात मोठी व्होट चोरी होती.
महाराष्ट्राच्या पाठीत खंजीर खुपसून मुख्यमंत्री बनलेले उद्धव ठाकरे खरे व्होट दरोडेखोर आहेत,” अशी बोचरी टीका उपमुख्यमंत्री एकनाथ शिंदे यांनी दसरा मेळाव्यातील भाषणात केला. यानंतर दसरा मेळाव्यातील भाषण संपल्यानंतर एकनाथ शिंदे यांनी आयोजकांवर संताप व्यक्त केला.
नेस्को सेंटरवरील जाहीर भाषण संपवून मंचाच्या मागच्या बाजूला जाताच एकनाथ शिंदे यांनी आयोजकांना सुनावले. व्यासपीठावर ठेवण्यात आलेल्या माईकच्या जागेवरुन एकनाथ शिंदेंनी आयोजक कार्यकर्त्यांचे कान टोचले.
नेमकं काय घडलं?
कार्यक्रमाचे आयोजन कुणी केलं होतं? मला कोपऱ्यात कोणी टाकलं? पुढच्या वेळेस मला लोकांच्या समोर पाहिजे, लक्षात ठेवा, असं म्हणत एकनाथ शिंदेंनी आयोजक कार्यकर्त्यांना वॉर्निंगही दिली.” सोशल मीडियावर आयोजकांवर एकनाथ शिंदेंनी जो संताप व्यक्त केला त्याच्या क्लिप व्हायरल झाल्या आहेत.
“आम्ही भाषण देणारे नाही, तर राशन देणारे आहोत,’ असं म्हणत त्यांनी विरोधकांवर निशाणा साधला. परभणीपासून लाडक्या बहिणींना २५ हजार शिलाई मशीन आणि २५ हजार सायकलींचं वाटप सुरू केल्याचंही त्यांनी सांगितलं. दुष्काळामुळे अडचणीत आलेल्या शेतकऱ्यांची दिवाळी काळी होऊ देणार नाही,” असं आश्वासनही त्यांनी दिलं. (Eknath Shinde)
पंतप्रधान मोदींचे कौतुक करत विरोधकांवर हल्लाबोल
पंतप्रधान नरेंद्र मोदी यांच्यावर आरोप करणाऱ्या विरोधकांनाही त्यांनी लक्ष्य केलं. “देशाचे लोकप्रिय पंतप्रधान नरेंद्र मोदीजींचा 36 देशांनी सर्वोच्च नागरी पुरस्कार देऊन सन्मान केला. मात्र एकही दिवस सुट्टी न घेता देशाची सेवा करणाऱ्या पंतप्रधानांवर तुम्ही खालच्या पातळीवर जाऊन टीका करत आहात. देशाची 140 कोटी जनता याबद्दल तुम्हाला माफ करणार नाही,” असेही शिंदे म्हणाले.
विरोधी पक्षनेते राहुल गांधी हे सर्वोच्च न्यायालयावर मोर्चा नेतात हा देशाच्या सर्वोच्च न्याय व्यवस्थेचा अपमान आहे. एका हातात संविधान घ्यायचे आणि दुसऱ्या हाताने डॉ.बाबासाहेब आंबेडकर यांनी निर्माण केलेल्या घटनात्मक संस्थावर हल्ला करायचा असे करून विरोधक देश तोडायला निघाले असल्याचे म्हणत एकनाथ शिंदेंनी विरोधकांना सुनावले.
हेही वाचा:
