Virat Kohli Record : विराट कोहलीने इंग्लंडच्या भूमीत रचला इतिहास! राहुल द्रविडला मागे टाकत ‘बनला नंबर-१ भारतीय फलंदाज
Virat Kohli Record : विराट कोहली आता इंग्लंडच्या भूमीवर क्रिकेटच्या तिन्ही फॉरमॅटमध्ये मिळून सर्वाधिक धावा करणारा भारतीय फलंदाज बनला आहे.
Virat Kohli Breaks Rahul Dravid Record Most Runs In England : भारत आणि इंग्लंड यांच्यातील दुसऱ्या वनडे सामन्यात टीम इंडियाचा ‘किंग’ विराट कोहलीने मैदानात पाऊल ठेवताच एक अभूतपूर्व इतिहास रचला आहे. पहिल्या एकदिवसीय सामन्यात अवघ्या ५ धावांवर बाद होऊन चाहत्यांना निराश करणाऱ्या कोहलीने कार्डिफ येथील दुसऱ्या सामन्यात त्याची भरपाई केली. सामन्यात भारताला पहिला झटका बसल्यानंतर खेळायला आलेल्या कोहलीने आपल्या डावात अवघ्या ४ धावा पूर्ण करताच, भारताचा माजी महान फलंदाज आणि मुख्य प्रशिक्षक राहुल द्रविड यांचा इंग्लंडमधील एक ऐतिहासिक विक्रम मोडला.
द्रविडला पछाडत विराट पोहोचला अव्वल स्थानी!
विराट कोहली आता इंग्लंडच्या भूमीवर क्रिकेटच्या तिन्ही फॉरमॅटमध्ये (कसोटी, वनडे आणि टी-२०) मिळून सर्वाधिक धावा करणारा भारतीय फलंदाज बनला आहे. यापूर्वी हा विक्रम राहुल द्रविडच्या नावावर होता. द्रविडने इंग्लंडमध्ये ४६ सामन्यांच्या ५६ डावांत ५५.१ च्या सरासरीने २,६४५ धावा केल्या होत्या. कोहलीने शानदार चौकार मारून आपले खाते उघडले आणि द्रविडला मागे टाकत २,६४६ हून अधिक धावांचा टप्पा ओलांडला.
Virat Kohli arrived in Cardiff and wasted no time rewriting the record books, surpassing Rahul Dravid to become India’s highest run-scorer in England across all formats. 🇮🇳
Most Runs for India in England (Across All Formats):
2646* – Virat Kohli
2645 – Rahul Dravid
2626 –…— OneCricket (@OneCricketApp) July 16, 2026
इंग्लंडच्या भूमीवर तिन्ही फॉरमॅटमध्ये २,००० किंवा त्याहून अधिक धावा करण्याचा पराक्रम केवळ ४ भारतीय फलंदाजांनाच जमला आहे. यामध्ये राहुल द्रविड, विराट कोहली, सचिन तेंडुलकर आणि रोहित शर्मा यांचा समावेश आहे.
शतकांमध्ये रोहित पुढे, पण अर्धशतकात कोहलीचा दबदबा!
इंग्लंडमध्ये राहुल द्रविड आणि सचिन तेंडुलकर यांच्या नावावर प्रत्येकी ८ शतके आहेत, तर विराट कोहलीने येथे ३ शतके झळकावली आहेत. विशेष म्हणजे, रोहित शर्मा हा इंग्लंडच्या भूमीवर सर्वाधिक ९ शतके ठोकणारा भारतीय फलंदाज आहे. मात्र, विराट कोहलीच्या नावावर इंग्लंडमध्ये सर्वाधिक १८ अर्धशतके झळकावण्याचा एक अनोखा विक्रम नोंदवला गेला आहे.
मालिकेवर कब्जा करण्याची सुवर्णसंधी –
तीन सामन्यांच्या या एकदिवसीय मालिकेत पाहुणा भारतीय संघ सध्या १-० ने पुढे आहे. रोहित शर्माचा विक्रम आणि आता विराट कोहलीचा हा ऐतिहासिक टप्पा यामुळे भारतीय छावणीत उत्साहाचे वातावरण आहे. या दुसऱ्या सामन्यात विजय मिळवून मालिका खिशात घालण्याचा टीम इंडियाचा प्रयत्न असणार आहे.
