Devendra Fadnavis: दादर येथे स्वातंत्र्यवीर सावरकर सभागृहात ज्येष्ठ व्यंगचित्रकार प्रशांत कुलकर्णी यांच्या ‘महाराष्ट्राची हास्यरेषा’ या पुस्तकाचे प्रकाशन सोहळा पार पडला. या कार्यक्रमाला मुख्यमंत्री देवेंद्र फडणवीस, मनसे अध्यक्ष राज ठाकरे आणि माजी मुख्यमंत्री उद्धव ठाकरे यांची विशेष उपस्थिती होती. मुख्यमंत्री देवेंद्र फडणवीस यांनी मंत्री आशिष शेलार यांच्या वक्तव्याचा दाखला देत उद्धव ठाकरेंना मिश्किल टोला लगावला.

“सर्वच लोक डाव्याबाजूने गेले म्हणून मी जाणीवपूर्वक उजवीकडे आलो. मगाशी आशिष शेलार असं म्हणाले की, राज ठाकरेंनी फोन केला की देवेंद्र फडणवीस येतात. आशिषजी 2019 पर्यंत उद्धवजींनी जेव्हा जेव्हा फोन केला तेव्हा तेव्हा मी गेलो. 2019 नंतर बोलावलंच नाही. नाहीतर गेलो असतो. मी वाटच पाहत राहिलो”, असं देवेंद्र फडणवीस म्हणाले. यानंतर उपस्थित सर्वच हसू लागले.

“कार्यक्रमामध्ये शेवटचं भाषण देण्याचा फायदा हा आहे की, यावर राज ठाकरे उत्तर देऊ शकणार नाहीत. त्यामुळे आजतरी मी काहीही बोललो त्यावर प्रतिषटकार येणार नाही”, असेही मुख्यमंत्री देवेंद्र फडणवीस म्हणाले. Devendra Fadnavis

राज ठाकरेंची देखील टोलेबाजी
या कार्यक्रमात राज ठाकरे यांनीदेखील राजकीय टोलेबाजी केली. राज ठाकरेंनी बोलावलं तर मुख्यमंत्री येतात, असं आशिष शेलार म्हणाले. त्यांच्या याच वक्तव्याचा दाखला देत राज ठाकरे यांनी भाजपला मिश्किल टोला लगावला. “2029 पर्यंत मुख्यमंत्र्यांना ठेवा म्हणजे झालं. याच्यापुढे मी काय बोलू”, असा टोला राज ठाकरेंनी लगावला आणि उपस्थितांमध्ये एकच हशा पिकला. Devendra Fadnavis

हेही वाचा:

Rakul Preet Singh : शूर्पणखेच्या लूकवरून ट्रोलिंग, अखेर रकुल प्रीत सिंहने मौन सोडलं; सडेतोड उत्तर देत म्हणाली…