बीड : राज्याचे मुख्यमंत्री देवेंद्र फडणवीस हे बीड दौऱ्यावर आहेत. बीडमधील आष्टी उपसा सिंचन योजना क्र. 3 अंतर्गत येणार्या शिंपोरा ते खुंटेफळ पाईपलाईन कामाची पाहणी तसेच यातील बोगदा कामाचा शुभारंभ मुख्यमंत्री देवेंद्र फडणवीस यांच्या हस्ते करण्यात आला. या निमित्ताने भव्य कार्यक्रमाचे आयोजन करण्यात आले होते. या कार्यक्रमाला पंकजा मुंडे, आमदार सुरेश धस, खासदार बजरंग सोनावणे, राधाकृष्ण विखे पाटील यांनी उपस्थिती लावली होती. काय म्हणाल्या पंकजा मुंडे? यावेळी भाजप आमदार सुरेश धस यांनी केलेल्या तुफान भाषणानंतर पंकजा मुंडे यांनी तोडीसतोड भाषण करत त्यांचा खरपूस समाचार घेतला. पंकजा मुंडे म्हणाल्या, देवेंद्रजी सुरेश धस तुम्हाला बाहुबली म्हणतात. तुम्ही ज्येष्ठ आहात. नेते आहात. तुम्ही कॅबिनेटचे प्रमुख आहात. तुमच्या विषयी आदरभाव नेहमी येतो. पण आज ममत्व भाव येतोय. कारण ते तुम्हाला बाहुबली म्हणत आहेत. काही वर्षापूर्वी मला शिवगामी म्हणत होते. शिवगामी ही बाहुबलीची आई आहे. त्यामुळे तुम्हाला बघताना मला आज वेगळाच भाव आला. सुरेश अण्णा तुम्ही जसे पिक्चर म्हणता. आम्हीही पिक्चरचे वाक्य म्हणतो. शिवगामीणीचे वाक्य असते, मेरा वचनही है मेरा शासन. आणि जे जाहीर वचन सुरेश धस यांना दिले आहे. तेच माझं शासन आहे. गोपिनाथ मुंडेची लेक आहे. बोलणं एक आणि करणं एक माझ्या रक्तात नाही, असं म्हणत पंकजा मुंडे यांनी सुरेश धस यांचा चांगलाच समाचार घेतला. मीपण मुख्यमंत्र्यांची लाडकी : पंकजा मुंडे पुढे बोलताना म्हणाल्या, हा कार्यक्रम शासनाचा आहे म्हणून मी आले. त्यामुळे बॅनरवर कुठे फोटो आहे, कार्यक्रमाला खुर्ची आहे का? हे मी पाहिले नाही. मीपण मुख्यमंत्र्यांची लाडकी आहे. बीडमध्ये 5 ते 6 आमदार निवडून येतात तेव्हा तुम्ही मुख्यमंत्री होता. मी मंत्री झाले आणि तुम्ही मुख्यमंत्री आहात. थोडसं नशीब आमचंही आहे. देवेंद्र फडणवीस थोडेशे ओशाळलेयत. त्यांना बाहुबली बोलणं फारस रुचणार नाही. अस्वस्थ करणार आहे. काम करा आणि कामाने किर्ती रुपाने व्हा. हे संस्कार भाजप आणि संघाचे आहेत, असं पंकजा मुंडे यावेळी म्हणाल्या. काय म्हणाले सुरेश धस? सुरेश धस म्हणाले, काही लोक म्हणतात, बीड जिल्ह्याची बदनामी होते, परंतु या जिल्ह्याने क्रांतीसिंह नाना पाटील, बबनराव ढाकणे, गोपीनाथ मुंडे आणि प्रमोद महाजनांना निवडून दिले आहे. तर गोपीनाथ मुंडेंसारखा पहाडाएवढा नेता या जिल्ह्याने दिला आहे. अनेक राजकारण्यांची जडणघडण या जिल्ह्याने केली आहे. पुढे म्हणाले, आज कार्यक्रम घेतोय, ही जमीन रक्षा मंत्रालयाकडे जाणार होती. तीन दिवस माझ्यासोबत मुंडे साहेब झोपून राहिले. जमीन सोडवण्यासाठी खूप दगड झेलले. तत्कालीन रक्षा मंत्री जॉर्ज फर्नांडिस येथे आले होते. हे कॅन्सल करुन घेतले. म्हणून हा कुंटेफळचा प्रकल्प होत आहे, असंही सुरेश धस म्हणाले. मेरे पास देवेंद्र फडणवीस साहेब का आशीर्वाद है : सुरेश धस 2019 पासून कटकारस्थान करून मला संपवायचा प्रयत्न झाला पण तुम्ही माझा पाठीशी इभे राहिला आमच्या दारात रात्री पोलीस यायचे आम्ही सहन केला.मी दिवार चित्रपट बघितला होता कॉलेज मध्ये त्यात शशी कपूर म्हणतो मेरे पास मा है..माझी दुसरी आई जिवंत आहे मी नाव लपवले नाही.मला मंत्रिपद नको पालक मंत्री पद नको फक्त 7.50 टी एम सी पाणी द्या. मला म्हणतात तेरे पास क्या है मी म्हणतो मेरे पास देवेंद्र फडणवीस साहेब का आशीर्वाद है, असे म्हणत त्यांनी दिवार सिनेमातील डायलॉग मारला.
