Jackie Shroff : आपल्या दमदार अभिनयासोबतच हटके अंदाजासाठी ओळखले जाणारे अभिनेते जॅकी श्रॉफ यांनी बॉलिवूडमध्ये आपल्या अभिनयाची वेगळी छाप पाडली आहे. प्रेमाने ‘जॅकी दा’ म्हणून ओळखले जाणारे जॅकी श्रॉफ नेहमीच आपल्या साधेपणामुळे आणि झाडांवरील प्रेमामुळे चर्चेत असतात. मात्र, एका मुलाखतीत त्यांनी आईच्या निधनाशी संबंधित मन हेलावून टाकणारी आठवण सांगितली आहे.

जॅकी श्रॉफ आठ-नऊ वर्षांचे असताना त्यांच्या कुटुंबाची आर्थिक परिस्थिती बेताची होती. संपूर्ण कुटुंब चाळीत राहत होतं. घर लहान असल्यामुळे कुटुंबातील प्रत्येक सदस्य एकमेकांच्या अगदी जवळ होता. रात्री जॅकी यांना खोकला आला तरी त्यांची आई लगेच जागी व्हायची आणि, “बेटा, ठीक आहेस ना?” असं विचारत त्यांची काळजी घ्यायची.

पुढे जॅकी श्रॉफ यांनी बॉलिवूडमध्ये यश मिळवलं आणि स्वतःचं मोठं घर घेतलं. आईला आराम मिळावा आणि तिला स्वतंत्र खोली असावी, या उद्देशाने त्यांनी हे घर घेतलं होतं. मात्र, या मोठ्या घरात प्रत्येकाला स्वतंत्र खोली मिळाल्यानंतर कुटुंबातील सदस्यांमधील पूर्वीसारखी जवळीक कमी झाल्याचं जॅकी यांनी सांगितलं.

याच संदर्भात त्यांनी आईच्या निधनाची हळवी आठवण सांगितली. एका रात्री त्यांच्या आईला हृदयविकाराचा झटका आला. सकाळी तिचं निधन झाल्याचं कुटुंबीयांच्या लक्षात आलं. या घटनेचा जॅकी यांच्या मनावर खोल परिणाम झाला. आजही ही कटू आठवण त्यांच्या मनात कायम आहे.

“तिला हार्ट अटॅक आला आणि सकाळी तिचं निधन झालं. म्हणजे बिचारीने रात्रीच प्राण सोडले असतील. जर मी तिथे खोकलो असतो किंवा त्या खोलीच्या मध्ये भिंती नसत्या, तर कदाचित ती वाचली असती. मी तिला उचललं असतं आणि रुग्णालयात घेऊन गेलो असतो,” अशी हळवी आठवण जॅकी यांनी सांगितली.

Trump Tarrif : अमेरिका भारतावर १००% टॅरिफ लादणार? ; विधेयकात दुरुस्ती करून नाव समाविष्ट करणार?