Bigg Boss Marathi 5 । Suraj Chavan : जगभरात चर्चेत असणार, प्रत्येक पर्वामधून प्रेक्षकांना नवीन अनुभव देणारा, करोडो प्रेक्षकांचे अपार प्रेम मिळवलेला, संपूर्ण भारतामध्ये हुकुमत गाजवणारा कार्यक्रम म्हणजे “बिग बॉस”… कलर्स मराठीवर बिग बॉस मराठीच्या आतापर्यंतच्या सर्वच पर्वांना अभूतपूर्व यश मिळाले आणि जेव्हा यंदाच्या सीजनाचा नवा टिझर वाहिनीवर दिसला तेव्हापासून या कार्यक्रमबद्दलच्या बऱ्याच चर्चा सुरु झाल्या होत्या.

‘बिग बॉस मराठी’चे यंदाचे पर्व मोठ्या प्रमाणात चर्चेत आहे. या पर्वाने मोठ्या प्रमाणात TRP मिळवला आहे. या पर्वातील प्रत्येक स्पर्धक आपली स्वतःची वेगळी ओळख निर्माण करत आहे. या शोमध्ये एक असा स्पर्धक आहे ज्याने सर्वांच्या मनात स्वतःची एक वेगळी ओळख निर्माण केली आहे. या स्पर्धकाचे नाव आहे गुलिगत ‘सुरज चव्हाण’. टिक टॉक स्टार सुरज चव्हाण अशी त्याची बिग बॉसमध्ये येण्याच्या अगोदर ओळख होती. सूरजने अल्पावधीतच प्रेक्षकांची मन जिंकत त्यांच्यावर राज्य केलं.

सूरज चव्हाणचा जन्म छोट्याशा खेडेगावात झाला असून त्याने बिग बॉस सारख्या झगमगाटात येऊन स्वतःचं असं स्थान स्वतः मिळवलं आहे. सध्या ‘बिग बॉस मराठी’ मुळे सूरज भलतात चर्चेत आला आहे. बिग बॉस मराठीच्या पाचव्या सीझनचा फिनाले आठवडा सुरु आहे. लवकरच यंदाच्या सीझनचा विजेता मिळणार आहे. त्यासाठी बिग प्रेमी जनता आपल्या लाडक्या सदस्याला पाठिंबा देताना दिसत आहे.

फक्त महाराष्ट्रातील जनताच नव्हे, तर सेलिब्रिटी आणि राजकारणी देखील आपल्या लाडक्या सदस्याला सपोर्ट करत आहे. राष्ट्रवादी शरदचंद्र पवार काँग्रेस पक्षाच्या खासदार सुप्रिया सुळे यांनीही त्यांच्या लाडक्या सदस्याला पाठिंबा देत जनतेला त्याच्यासाठी व्होट करण्याचं आवाहन केलं आहे. तसेच, अजित पवार यांचे सुपुत्र जय पवार यांनीही इंस्टाग्रामवर पोस्ट शेअर करत सूरज चव्हाणला पाठिंबा दिला आहे.

बारामतीकर सूरज चव्हाणला व्होट करा :

आपल्या बारामती तालुक्यातील मोढवे गावचा सुपुत्र, प्रसिद्ध रिल्सस्टार सुरज चव्हाण बिग बॉसच्या घरात धुमाकूळ घालतोय. देशभर त्यांची क्रेझ वाढली आहे. बिग बॉस सारख्या अवघड रिॲलिटी शोमध्ये 274 लोकांमधून अंतिम 16 मध्ये त्याची निवड झाली, हि आपल्या बारामतीसह अवघ्या महाराष्ट्रासाठी अभिमानास्पद गोष्ट आहे.

त्यामुळे आपल्या अतिशय व्यस्त दिनक्रमातून केवळ दोन मिनिटांचा वेळ काढून आपल्या लाडक्या सुरज चव्हाण यास वोट करून महाविजेता करण्यासाठी आपले योगदान देऊयात. त्यासाठी जिओ सिनेमा अप्लिकेशन इंस्टॉल करुन Big Boss Marathi या टॅबवर जाऊन Vote Now वर गेल्यावर सूरजच्या फोटोवर टच करुन आपलं वोट सबमिट करा, हि विनंती.

जय पवार यांची इंस्टाग्राम पोस्ट :

बिग बॉस मराठीचा अंतिम टप्पा आता जवळ आला आहे! आपल्या सर्वांच्या आवडत्या बारामतीकर सुरज चव्हाणला जिंकवण्यासाठी आता फक्त काही दिवस उरले आहेत. त्याच्या कलेने आणि जिद्दीने त्याने आपल्या सर्वांच्या हृदयात खास जागा मिळवली आहे. चला, एकत्र येऊन सुरजला VOTE करूया आणि बिग बॉस मराठीची ट्रॉफी जिंकुन आणुया!