Vaishnavi Hagavane’s death : वैष्णवी हगवणे मृत्यू प्रकरणात नवनवे खुलासे समोर येत आहेत. आता या प्रकरणात हगवणे कुटुंबातील मोठ्या सुनेने देखील धक्कादायक आरोप केले आहेत. २०२२ मध्ये सुशील हगवणे यांच्यासोबत लग्न झालं होतं. तेव्हापासून नणंद, दीर आणि सासू या कायम टॅार्चर करत असल्याचा गंभीर आरोप मयुरी जगताप हगवणे हिने केला आहे. पण यामध्ये सर्वात मोठी गोष्ट म्हणजे सुशील हे त्यांच्या पाठीशी होते, त्यांना कामय पाठिंबा दिल्याचे त्यांनी सांगितले. यामुळे आता या प्रकरणात कुटुंबिक हिंसाचाराचा प्रकार उजेडात आला आहे.

हगवणे कुटुंबातील सुनासोबत होत असलेल्या छळाची कहाणी मोठ्या सुनेने सांगितल्याने सर्व स्तरातून संताप व्यक्त करण्यात येत आहे. तसेच मयुरीने स्वतः मारहाणीचे फोटो माध्यमांसमोर दाखवले. माझा नवरा कायम माझी बाजू घ्यायचा म्हणून त्यालाही त्याच्या कुटुंबियांनी मारहाण केली असल्याचा गंभीर आरोपही तिने केला आहे. घरातील जमिनीचे व्यवहार असतील तर त्यात वाटा मिळू नये, यासाठी दीर आणि सासऱ्याने कायम आडकाठी आणली. यातून आम्हाला मानसिक-शाररिक त्रास दिला, असेही तिने सांगितली.

कोण आहे निलेश चव्हाण?

वैष्णवी यांचे ९ महिन्यांचे बाळ वैष्णवीचे आई-वडील यांच्याकडे सूपूर्त करण्यात आले आहे. याबाबात बोलताना मयुरी जगताप हगवणे हिने माहिती दिली. या संपूर्ण प्रकरणात आता निलेश चव्हाण या व्यक्तीचे नाव समोर आले आहे. याविषीयी बोलताना मयुरी म्हणाली, निलेश चव्हाण हा आमच्या घरातील भांडणामध्ये कायम आलेला आहे. तो शशांक हगवणेचा मित्र नाही तर करिश्मा हगवणेचा मित्र आहे. आमच्या मिटिंग सुद्धा त्याच्या ऑफिसलाच झालेल्या आहेत. आमचं नवीन लग्न झालेलं होतं तेव्हा माझी नणंद आणि माझी सासू या त्याच्या ऑफिसमध्ये कायम मिटिंग घ्यायच्या, अशी माहिती मुयरी हिने माध्यंमाशी बोलताना दिली.