Abhijit Dipke – हिंगोली जिल्ह्यातील एका सरकारी शाळेची अवस्था पाहून ती शाळा अजूनही १९६० च्या दशकातच असल्यासारखी वाटली, असे कॉकरोच जनता पार्टीचे संस्थापक अभिजीत दिपके यांनी म्हटले आहे. तिथे शौचालयाची व वर्गांची तुटलेली दारे आणि वॉशरूममध्ये नळ नसल्याचे आढळून आले.

दिपके यांच्या गटाने गेल्या आठवड्यात स्कूल ठीक करो ही मोहीम सुरू केली आहे. याच मोहिमेअंतर्गत त्यांनी मंगळवारी आपल्या मूळ जिल्ह्यातील कडोली गावातील शाळेला भेट दिली. शाळेची वेळ संपल्यानंतर, सायंकाळी साडेसातच्या सुमारास त्यांनी शाळेच्या आवारात जाऊन पाहणी केली. त्यांच्या या भेटीचा आणि त्यानंतर ग्रामस्थांशी झालेल्या संभाषणाचा व्हिडिओ सोशल मीडियावर समोर आला आहे.

मला असे वाटले की, मी १९६० च्या दशकातील एखाद्या शाळेला भेट देत आहे. जुने पत्र्याचे शेड, तुटलेली दारे आणि वॉशरूममध्ये नळ नाहीत. अशा वॉशरूम्सचे करायचे काय? संबंधित लोकांनी शाळेच्या परिसराची देखभाल करण्याची आपली जबाबदारी पार पाडली नाही, असे दिपके म्हणाले.

त्यांनी स्थानिक रहिवाशांवरही टीका केली. ग्रामस्थही चुकीचे आहेत कारण ते गप्प राहिले. शाळेच्या दुरवस्थेविरुद्ध कोणी आवाज उठवल्यास राजकीय पक्षांचे कार्यकर्ते त्यांना त्रास देतात आणि खोट्या प्रकरणांमध्ये अडकवतात, असा आरोप ग्रामस्थांनी केला.

जर एखाद्याने आवाज उठवला आणि गुन्हा दाखल झाला, तर तो एका, दोन किंवा तीन व्यक्तींविरुद्ध होऊ शकतो. पण जर संपूर्ण गावानेच आवाज उठवला, तर गुन्हा कसा दाखल होईल? ग्रामस्थांनी संबंधित गट विकास अधिकाऱ्याला सांगितले पाहिजे की, पुढील दहा दिवसांत शाळेच्या दुरुस्तीचे काम सुरू करा, अन्यथा आम्ही आंदोलन करू, इशारा त्यांनी दिला.