माळशिरस :

खुडूस गाव आले। इंद्रायणी तिरी आले ।
माऊलींचे रिंगण झाले | आनंदाचे डोई तरंगले
अश्व धावले खुडूसच्या भूमीत
अश्वा मागे गजरात | हिरा मोती संगे I
नाचती वारकरी संत

असा प्रत्येकाच्या अतंकरणी असलेला भाव शंख व तुतारीची ललकारी पतकांची झळाली आणि मृदुंगाच्या शिगेला पोहचलेला निनाद अशा उत्साहपूर्ण वातावरणात संत ज्ञानेश्वर माऊलींच्या पालखी सोहळ्याचे दुसरे गोल रिंगण सोहळा खुडूसमध्ये रंगला. यावेळी डोई अनंत तरंग. असा रंगला. हा सोहळा लाखो वैष्णवांनी लक्ष लक्ष नेत्रांनी टिपला.

माळशिरस येथील एक दिवसाचा निरोप घेऊन श्री श्रेष्ठ संत ज्ञानेश्वर माऊलींचा पालखी सोहळा माळशिरस येथील मुक्काम ओटपून खुडूस येथील रिंगणस्थळी ८ .५० मिनिटांनी पोहोचला. खुडूस येथील दुसरे गोल रिंगण सोहळा दुपारच्या धावा आणि धाव्यानंतर हास्याची उधळण करीत जमलेल्या भारूडांच्या मैफलीने पालखी सोहळा भक्ती सागरात डुबून गेला.

यावेळी महिला मैदानात वारकऱ्यांच्या फुगड्यांचा झिम्मा मनोरे अशा या खेळाने सर्व वातावरण उत्साहाने भरून गेले होते. महिलांनी माऊलींच्या जयघोष करीत चांगला खेळ मांडला होता. यंदा भाविकांची संख्या मोठ्या प्रमाणात जाणवत होती. भाविकांनी रिंगण सोडण्याचे मैदान गर्दीने फुलून गेले होते. रिंगण सोहळ्याच्या वेळी वारकऱ्यांनी आपल्या पताका उंच धरून तर महिलांनी डोक्यावर तुळशी वृंदावन घेऊन पळत पळत प्रदक्षिणा घातल्या. पालखी रथातून उतरून खुडूस ग्रामपंचायतीने भव्य दिव्य उभारलेल्या कमानीतून येणाऱ्या रिंगणाच्या ठिकाणी आणून रिंगणभोवती प्रदक्षिणा घालण्यात आली. पालखी रिगणाऱ्या मध्यभागी आणण्यात आली. ज्ञानेश्वर महाराज पालखीचे पूजन माळशिर पंचायत समितीचे माजी सभापती मच्छिंद्र ठवरे यांनी केले. माऊलीच्या अश्वाची पूजा ग्रामपंचायतीचे अँड शहाजी ठवरे यांनी केले.

सर्वप्रथम भोपळे दिंडीचा जरीपटका असलेला ध्वज घेऊन मानकरी यांनी प्रथम फेरी पूर्ण केली. माऊलींचा अश्व व शितोळे सरकारचा स्वराच्या अश्वाने पाहण्यासाठी एक फेरी मारली. लाखो जनसागराला रिंगण सुरू होण्याची उत्सुकता लागली होती. दिंड्यामधून टाळ मुदृंगाच्या तालावर माऊली माऊली असा जयघोष दुमदुमला होता. मंगलमय वातावरणात चोपदार यांनी अश्व सोडला स्वरांच्या माऊलींचा जयघोष रिंगण सोहळा रंगून गेला. तो वैष्णवांनी आनंदाचे डोही आनंद तरंग असा पाहायला मिळाला. वारकरी व भाविकांनी अश्वाच्या टाफेखालील माती कपाळी लावण्यासाठी गर्दी केली होती.

हा नेत्रदीपक सोहळा पाहण्यासाठी खुडूस माळशिरस पाणीव, निमगाव डोंबाळवाडी घुले वस्ती शिपाई वस्ती आंबे मळा, विझोरी विजयवाडीनगर, शिवतेज नगर आदी गावांतील लोकांनी व महिलांनी अलोट गर्दी केली होती. रिंगण सोहळ्यानंतर हा पालखी सोहळा निमगाव पाटी येथे दुपारच्या तीन तासाच्या विसाव्यासाठी व दुपारच्या भोजनासाठी मार्गस्थ झाला. विठ्ठल भेटीसाठी निघालेला माऊलींचा पालखी सोहळा दुपारच्या तीन तासाच्या विश्रांतीनंतर दुपारची न्याहारी उरकून हा पालखी सोहळा वेळापूर नगरीत मुक्कामासाठी मार्गस्थ झाला.