Gunaratna Sadavarte : बॅाक्स अॅाफिसवर सैयारा हा हिंदी चित्रपट धूमाकूळ घालत आहे. लवकरच हा चित्रपट २०० कोटीची कमाई करणार आहे. प्रेक्षकांचा या चित्रपटाला मिळणारा प्रतिसाद पाहता महाराष्ट्रातील मराठी चित्रपटांचे शो उतरविण्यात आले आहेत. या पार्श्वभूमीवर महाराष्ट्र नवनिर्माण सेनेचे अमेय खोपकर यांनी आक्रमक पवित्रा घेतला आहे.

त्यामुळे पुन्हा एकदा मराठी हिंदी वाद निर्माण झाला आहे. याविषयी नुकतीच अमेल खोपकर यांनी आपली भूमिका मांडत काचा फुटतील असा थेट इशारा मल्टिप्लेक्स मालकांना दिला होता. या वादात आता अॅड. गुणरत्न सदावर्ते यांनी उडी घेतली आहे. त्यांच्याकडे काय चालणार आणि काय चालवायचं हा मल्टिप्लेक्स वाल्यांचा निर्णय आहे अमय खोपकरांनी लोकांना धमकी देऊ नये, असा इशारा सदावर्तेंनी दिला आहे.

यशराज फिल्म कुठे आणि हे खोपकर कुठे?

तसेच फिल्म एन्टरटेन्मेंट है पब्लिक डिमांडवर चालत असते. ज्यामध्ये लोकांना इंटरेस्ट नाही ते चित्रपट का बघतील, असा सवाल गुणरत्न सदावर्ते यांनी केला आहे. ये रे ये रे पैसा मध्ये पब्लिकचा इंटरेस्ट नाही. लोकांना इमोशनल लव स्टोरी पाहिजे, असे ते म्हणाले आहेत. यशराज फिल्म कुठे आणि हे खोपकर कुठे? असा खोचक टोला त्यांनी अमेय खोपकर यांना लगावला आहे.

हिंदी पिक्चर असो वा मराठी पिक्चर, पिक्चर तर पिक्चर आहे तमिळ असो किंवा भोजपुरी मराठी असो किंवा हिंदी चित्रपटामध्ये ताकत असली पाहिजे. खोपकरांच्या पिक्चरमध्ये ती ताकत नसेल म्हणून लोक तिकीट घेत नसतील तर अर्थ काय, असे सदावर्ते म्हणाले आहेत. संजय राऊत यांच्यावर आता अमेय खोपकरांनी चित्रपट काढावा, असा चिमटाही खोपकरांना सदावर्तेंनी काढला आहे.

पोरांमध्ये कुंचम कुंचम वेड

सैयारा हा चित्रपट एक लव्ह स्टोरी आहे. सध्या पोरांची परीक्षा सुरू नाहीत पोरांमध्ये कुंचम कुंचम वेड असत. ये रे ये रे पैसा यांच्या टायटल मधेच गम दिसायला लागलाय. नुसता पैसा पैसा पैसा. एका डायलॉग पुरता टायटल ठीक आहे. पिक्चरसाठी हे टायटल नाही, असे म्हणत त्यांनी चित्रपटाच्या टायटलची खिल्ली उडवली. यामुळे आता सदावर्तेंनी केलेल्या टीकेला मनसे काय प्रत्युत्तर देणार हे पाहावे लागणार आहे.