Plane Crash : मोठी बातमी..! विमानाचा भीषण अपघात; सर्वच प्रवाशांचा मृत्यू
Plane Crash : रशियातील सायबेरिया भागात एक अत्यंत भीषण विमान दुर्घटना घडली असून, केमेरोवो प्रदेशातील यागुनोवो गावाजवळ एक लष्करी मालवाहू विमान कोसळले आहे.

Plane Crash : रशियातील सायबेरिया भागात लष्करी मालवाहू विमानाचा भीषण अपघात झाल्याची घटना समोर आली आहे. केमेरोवो प्रदेशातील यागुनोवो गावाजवळ हे विमान कोसळले. या दुर्घटनेत विमानातील सर्व १७ जणांचा मृत्यू झाल्याचे वृत्त रशियन माध्यमांनी दिले आहे. मात्र, मृतांची संख्या आणि विमानाचा प्रकार याबाबत अधिकृत स्तरावर अद्याप संपूर्ण माहिती जाहीर झालेली नाही. (Plane Crash)
यागुनोवो गावाजवळ विमान कोसळले
मिळालेल्या वृत्तानुसार, १७ नोव्हेंबर रोजी रशियातील केमेरोवो प्रदेशात ही दुर्घटना घडली. रशियाच्या कुझबास प्रदेशाचे गव्हर्नर इल्या सेरेड्यूक यांनी यागुनोवो गावाजवळ विमान दुर्घटना घडल्याची माहिती दिली. घटनास्थळी आपत्कालीन सेवा, पोलीस, वैद्यकीय पथके आणि इतर यंत्रणा दाखल झाल्या आहेत. (Plane Crash)
हवेतच विमानाला आग लागल्याची माहिती
रशियन माध्यमांच्या वृत्तानुसार, अपघातग्रस्त विमान हे AN-12 प्रकारचे लष्करी मालवाहू विमान असल्याचे सांगितले जात आहे. विमान हवेत असतानाच त्याला आग लागली आणि त्यानंतर ते जमिनीवर कोसळून मोठा स्फोट झाल्याची माहिती प्रत्यक्षदर्शींच्या हवाल्याने समोर आली आहे. (Plane Crash)
अपघाताचे कारण अद्याप अस्पष्ट
हे विमान नेमके कोणत्या कारणामुळे कोसळले, याबाबत अद्याप स्पष्ट माहिती समोर आलेली नाही. तांत्रिक बिघाड, आग किंवा अन्य कारणामुळे दुर्घटना घडली का, याचा तपास सुरू आहे. विमानाचा प्रवास आणि अपघाताच्या परिस्थितीबाबत संबंधित यंत्रणा माहिती गोळा करत आहेत. (Plane Crash)
दरम्यान, विमानातील १७ जणांचा मृत्यू झाल्याचे वृत्त रशियन माध्यमांनी दिले असले, तरी या आकडेवारीची अधिकृत पुष्टी अद्याप स्पष्ट झालेली नाही. तपासातून अपघाताचे नेमके कारण आणि मृतांची अंतिम संख्या समोर येण्याची अपेक्षा आहे. (Plane Crash)





