Ajit Pawar Plane Crash : मोठी बातमी..! रोहित पवारांनी मफलरमॅनचा फोटो दाखवला; महाराष्ट्राच्या राजकारणात खळबळ
Ajit Pawar Plane Crash : दिवंगत उपमुख्यमंत्री अजित पवार यांच्या विमान अपघाताच्या प्रकरणावरून महाराष्ट्रातील राजकीय वातावरण पुन्हा एकदा तापले आहे.

Ajit Pawar Plane Crash : दिवंगत उपमुख्यमंत्री अजित पवार यांच्या विमान अपघाताच्या प्रकरणावरून महाराष्ट्रातील राजकीय वातावरण पुन्हा तापले आहे. राष्ट्रवादी काँग्रेस (शरदचंद्र पवार) पक्षाचे आमदार रोहित पवार यांनी सोमवारी, १६ नोव्हेंबर रोजी घेतलेल्या पत्रकार परिषदेत या प्रकरणावरून गंभीर प्रश्न उपस्थित केले. (Ajit Pawar Plane Crash)
यावेळी त्यांनी मफलर घातलेल्या एका नेत्याचा फोटो दाखवल्याने राजकीय वर्तुळात चर्चांना उधाण आले आहे. या फोटोमध्ये मुख्यमंत्री देवेंद्र फडणवीस मफलर घातलेल्या अवस्थेत दिसत आहेत. (Ajit Pawar Plane Crash)
२८ जानेवारी २०२६ रोजी बारामती येथे झालेल्या विमान अपघातात अजित पवार यांचा मृत्यू झाला होता. या घटनेनंतर रोहित पवार यांनी अपघाताच्या कारणांबाबत सातत्याने संशय व्यक्त केला आहे. तसेच अपघाताशी संबंधित व्हीएसआर कंपनीला कोणीतरी वाचवत असल्याचा आरोपही त्यांनी यापूर्वी केला होता. (Ajit Pawar Plane Crash)
नेमकं काय म्हणाले रोहित पवार?
पत्रकार परिषदेत बोलताना रोहित पवार म्हणाले, “मी स्वतःच्या काकांना न्याय देऊ शकत नसेन आणि या प्रकरणात तडजोड करत असेन, तर सामान्य नागरिकाला न्याय कसा देणार? हे सर्व समोर आल्यानंतर मला कदाचित राजकीय परिणामांना सामोरे जावे लागेल. मात्र, मला त्याची चिंता नाही.” (Ajit Pawar Plane Crash)
पुढे त्यांनी स्पष्ट केले की, “मी ज्या व्यक्तीचे नाव घेत आहे, ती व्यक्ती अजितदादांच्या अपघातामागे आहे, असे मी म्हणत नाही. मात्र, या प्रकरणात संशयाच्या भोवऱ्यात आलेल्या कंपनीला ही व्यक्ती नक्कीच वाचवत आहे,” असा आरोप रोहित पवार यांनी केला. (Ajit Pawar Plane Crash)

मफलरमॅनच्या मुद्द्यावरून राजकीय चर्चा
अजित पवार यांच्या विमान अपघातामागे घातपात असल्याचा संशय व्यक्त करत रोहित पवार यांनी यापूर्वीही ‘मफलरमॅन’चा उल्लेख केला होता. या कथित प्रकरणातील संबंधितांना कोणाचा पाठिंबा मिळत आहे, असा सवाल त्यांनी उपस्थित केला होता. आता पत्रकार परिषदेत दाखवलेल्या फोटोमुळे या मुद्द्याला पुन्हा चर्चेचे स्वरूप आले आहे. (Ajit Pawar Plane Crash)





