पुणे: राज्य महिला आयोगाच्या अशासकीय सदस्यांचा कार्यकाळ जानेवारी महिन्यात संपुष्टात आला आहे. यामुळे आयोगाचा कार्यभार अशासकीय सदस्यांना सुरू असल्याचे समोर आले आहे. यामुळे नव्या अशासकीय सदस्यांची निवड कधी केली जाणार असा प्रश्न विचारला जात आहे. सध्या महिला आयोगाच्या अध्यक्षपदी रुपाली चाकणकर आहेत. त्यांची नियुक्तीला तीन वर्षांची मुदतवाढ देण्यात आली आहे. यामुळे त्यांच्या नियुक्तीला कोणताही धोका नाही. पण महिला आयोगाच्या सदस्य पदासाठी तिन्ही पक्षातील इच्छुकांची यादी मोठी असल्याची माहिती मिळत आहे. यामुळे आगामी काळात महायुतीमध्ये पदासाठी रस्सीखेच होण्याची शक्यता वर्तवली जात आहे.

महिला आयोगाच्या अध्यक्षपदी राष्ट्रवादी काँग्रेस पक्षाच्या रुपाली चाकणकर आहेत. त्यांची कारकीर्द १५ डिसेंबरला संपुष्टात आली आहे. मात्र, त्यांच्या पदाला तीन वर्षांची मुदतवाढ देण्याचा निर्णयत घेण्यात आला आहे. तसेच आयोगाच्या सदस्य सचिव म्हणून काम करणाऱ्या नंदिनी आवडे यांची नियुक्तीही सरकारकडून २३ डिसेंबर २०२४ रोजी करण्यात आली होती. त्यांचीही निवड सरकारच्या पुढील आदेशापर्यंत कायम राहणार असल्याचे जाहीर करण्यात आले होते. यामुळे त्यांच्या पदाला कोणताही धोका नाही.

या सदस्यांचा कार्यकाळ संपुष्टात

राज्य महिला आयोगाच्या अशासकीय सदस्यांमध्ये महाविकास आघाडीतील सहा सदस्यांची नियुक्ती २५ जानेवारी २०२२ रोजी करण्यात आली होती. सहा सदस्यांची नियुक्ती २४ जानेवारी २०२५ रोजी संपुष्टात आली आहे. त्यामुळे आयोगाचे काम सदस्यांनानिमा सुरू असल्याचे समोर आले आहे.

मिळालेल्या माहितीनुसार, सहा सदस्यांपैकी अनेक जणांनी महाविकास आघाडीतून दुसऱ्या पक्षात प्रवेश केला आहे. यामुळे नव्या सदस्यांमध्ये कोणाची वर्णी लागणार याकडे सगळ्यांचे लक्ष लागलेले आहे. यामध्ये गौरी छाब्रिया, शिवसेना उद्धव बाळासाहेब ठाकरे पक्षाच्या सुप्रदा फातर्पेकर, काँग्रेसच्या माजी सदस्या उत्कर्षा रूपवते, शिवसेनेच्या संगीता चव्हाण, दीपिका चव्हाण आणि आभा पांडे यांचा समावेश होता.