Mumbai News :  मुंबईच्या मुंबादेवी परिसरात एक बेवारस बॅग सापडल्याने मोठी खळबळ उडाली आहे. मुंबईच्या भुलेश्वर परिसरात एक बेवारस बॅग सापडली आहे. यामुळे परिसरात भीतीचे वातावरण आहे. या बॅगेबद्दल माहिती मिळताच पोलिसांनी घटनास्थळी धाव घेतली. एका दुकानाबाहेर ही बॅग ठेवण्यात आली.

सध्या पोलिसांसोबत बॉम्ब शोध आणि नाशक पथक घटनास्थळी दाखल झाले आहे. यासह परिसरात सुरक्षा व्यवस्था देखील वाढवली आहे. सध्या बॅगेची तपासणी सुरू असून बॅगमध्ये संशयास्पद वस्तू आहे का याचा शोध पोलसांकडून घेतला जातोय. तर दुसरीकडे नागरिकांना या परिसरापासून दूर राहण्याचे आवाहन करण्यात आले आहे. परिणामी मुंबादेवी परिसरात काही काळ तणावाचे वातावरण निर्माण झालं आहे.

Amitabh Bachchan : “या वयात मी तर…”; 15 वर्षांच्या वैभव सूर्यवंशीच्या कामगिरीचे बिग बींकडून कौतुक

बॅग पूर्णपणे रिकामी असल्याची माहिती

दरम्यान, ही बॅग नक्की कोणी आणून ठेवली, याचाही शोध घेतला जात आहे. मोठ्या संख्येने पोलिस घटनास्थळी दाखल झाले आहेत. पोलिसांकडून पूर्ण परिसर रिकामा करण्यात आला आहे. भुलेश्वर मार्केट परिसरात सापडलेली बॅग पूर्णपणे रिकामी असल्याचीही माहिती मिळत आहे. बॅगेत काहीही आढळले नसल्याचे तपासणीनंतर स्पष्ट झाले.

परंतु वर्दळीच्या परिसरात बेवारस बॅग सापडल्याने नागरिकांमध्ये भीतीचे वातावरण असून, या घटनेने पोलिस अलर्ट मोडवर आले आहे.

हेही वाचा: 

US White House: ट्रम्प यांना मोठा धक्का! इराण युद्धाच्या पार्श्वभूमीवर सनी जॉय नेल्सन व्हाईट हाऊसमधून बाहेर ; नेमकं कारण काय ?