Tambdi Jogeshwari Ganpati: पुण्यातील मानाच्या दुसऱ्या तांबडी जोगेश्वरी गणपतीच्या विसर्जन मिरवणुकीदरम्यान मंडळाचे अध्यक्ष यांनी गणेशोत्सवातील बदलत्या प्रवृत्तीवर भाष्य केले. ‘लोकं फक्त फोटो काढण्यासाठी येतात…’ असे म्हणत त्यांनी सध्याच्या उत्सवातील काही वास्तवांकडे लक्ष वेधले.

गणेशोत्सवाच्या काळात मोठ्या संख्येने नागरिक मिरवणुका आणि देखावे पाहण्यासाठी सहभागी होतात. मात्र, उत्सवाच्या परंपरा, संस्कृती आणि सामाजिक संदेश समजून घेण्याऐवजी काही जण केवळ फोटो आणि व्हिडीओ काढण्यापुरते सहभागी होत असल्याचे अध्यक्षांनी नमूद केले. त्यासोबतच त्यांनी लोकांनी असं न करता दर्शनाला यावं असं आवाहन त्यांनी केलं.

यंदा लोक बाप्पाच्या दर्शनाला कमी आणि फोटो सेल्फी घेण्यासाठी जास्त आले असे चित्र पाहायला मिळाले असल्याचेही त्यांनी यावेळी म्हटले.तांबडी जोगेश्वरी गणपतीच्या विसर्जन मिरवणुकीदरम्यान त्यांच्या या वक्तव्याची चर्चा पाहायला मिळाली.

दरम्यान, यावेळी मंडळाच्या ढोल पथकांनी वेगवेगळी थीम ठरवून घेतली असल्याचे अध्यक्षांनी सांगतिले. विघ्नहर्ता पथकाने वारीची थीम केली. तर शिवमुद्राने आई तुळजाभवानी मातेचा जिवंत देखावा साजरा केला आहे. सामाजिक प्रबोधन करून आम्ही बाप्पाचे विसर्जन करू असे म्हटले.

मानाच्या गणपतींच्या मिरवणुका हा पुण्याच्या गणेशोत्सवाचा महत्त्वाचा भाग मानला जातो. या परंपरेत नागरिकांचा सहभाग केवळ गर्दीपुरता न राहता उत्सवामागील सांस्कृतिक आणि सामाजिक विचार समजून घेणारा असावा, असा मुद्दा त्यांच्या वक्तव्यातून पुढे आला.