Women’s T20 World Cup 2024 (Suzie Bates) : आयसीसी महिला T20 विश्वचषक 2024 च्या अंतिम फेरीत दक्षिण आफ्रिकेचा सामना न्यूझीलंडशी होत आहे. हा सामना दुबईच्या मैदानावर होत आहे. या सामन्यात दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला. या सामन्यात न्यूझीलंड संघाची अनुभवी खेळाडू सुझी बेट्स हिने इतिहास रचला आहे. तिने टीम इंडियाची माजी कर्णधार मिताली राजला (Mithali Raj) हिला मागे एका बाबतीत टाकले आहे. वास्तविक सुझी बेट्स ही आता महिला आंतरराष्ट्रीय क्रिकेटमध्ये सर्वाधिक सामने खेळणारी खेळाडू बनली आहे.

मिताली राजला टाकलं पिछाडीवर…

सुझी बेट्सनं आज आयसीसी (ICC) महिला टी-20 विश्वचषक 2024 च्या अंतिम फेरीच्या सामन्यासाठी मैदानात पाऊल ठेवताच एक इतिहास रचला आहे. ती सर्वाधिक आंतरराष्ट्रीय सामने खेळणारी खेळाडू ठरली आहे. तिने आपल्या कारकिर्दीत एकूण 334 सामने खेळले आहेत. यामध्ये 163 एकदिवसीय सामन्यांचा तर 171 टी-20 आंतरराष्ट्रीय सामन्यांचा समावेश आहे.

मिताली राजबद्दल बोलायचे झाले तर तिने महिला आंतरराष्ट्रीय क्रिकेटमध्ये एकूण 333 सामन्यांमध्ये भारताचे प्रतिनिधित्व केले आहे. तिच्या कारकिर्दीत तिने 12 कसोटी, 232 एकदिवसीय आणि 89 टी-20 सामने खेळले आहेत. सुझी बेट्सने तिच्या एकदिवसीय कारकिर्दीत 5718 तर टी-20 मध्ये 4552 धावा केल्या आहेत. याशिवाय तिने वनडेमध्ये 78 आणि टी-20 मध्ये 59 विकेट्स घेतल्या आहेत.

Women’s T20 World Cup 2024 (Final) : द. आफ्रिकेचा न्यूझीलंडविरुद्ध गोलंदाजीचा निर्णय, विजेतेपदाच्या लढतीसाठी ‘अशी’ आहे दोन्ही संघाची Playing XI…

महिला क्रिकेट : सर्वाधिक आंतरराष्ट्रीय सामने खेळणारे खेळाडू…

सुझी बेट्स : 334
मिताली राज : 333
एलिस पेरी : 322
हरमनप्रीत कौर : 316
शार्लोट एडवर्ड्स : 309