Laura Cardoso 9 wickets T20I record : क्रिकेटच्या मैदानावर अनेकदा अशक्य वाटणारे विक्रम प्रस्थापित होतात, पण ब्राझीलच्या एका २१ वर्षीय गोलंदाजाने जे करून दाखवले आहे, ते पाहून संपूर्ण क्रिकेट विश्व थक्क झाले आहे. ‘बीसीए कालाहारी महिला टी-२०’ स्पर्धेत एका महिला गोलंदाजाने चक्क ९ विकेट्स घेत जागतिक विक्रमाला गवसणी घातली आहे.

महिला टी-२० आंतरराष्ट्रीय क्रिकेटमध्ये आजवर कधीही न घडलेला चमत्कार ब्राझील आणि लेसोथो यांच्यातील सामन्यात पाहायला मिळाला. ब्राझीलची वेगवान गोलंदाज लॉरा कार्डोसो हिने लेसोथोच्या फलंदाजीचे अक्षरशः लचके तोडत एकाच डावात ९ विकेट्स घेण्याचा विश्वविक्रम रचला. पुरुष असो वा महिला, टी-२० आंतरराष्ट्रीय क्रिकेटमध्ये (T20I) असा पराक्रम करणारी लॉरा ही जगातील पहिलीच खेळाडू ठरली आहे.

५ चेंडूवर ५ विकेट्स आणि हॅट्ट्रिकचा थरार –

WORLD RECORD ALERT! 🚨🤯

Laura Cardoso scripts history for Brazil 🇧🇷 — a jaw-dropping 9-wicket haul (3-2-4-9) as Lesotho 🇱🇸 crumble for just 13 runs! 😳🔥

And that’s not all…
5 wickets in 5 balls — a T20I first EVER 💀🏏 pic.twitter.com/BnJ91ChLYG

— CricketGully (@thecricketgully) April 9, 2026

ब्राझीलने प्रथम फलंदाजी करताना २०२ धावांचा डोंगर उभा केला होता. प्रत्युत्तरादाखल लेसोथोचा संघ फलंदाजीला आला तेव्हा लॉरा कार्डोसो नावाचे वादळ घोंघावले. तिने आपल्या स्पेलमध्ये केवळ ३ षटके टाकली आणि ९ फलंदाजांना तंबूत धाडले. विशेष म्हणजे, एका षटकाच्या शेवटच्या ३ चेंडूवर विकेट्स घेत तिने हॅट्ट्रिक पूर्ण केली आणि पुढच्या षटकाच्या पहिल्या २ चेंडूवरही विकेट्स घेत ‘५ चेंडूत ५ विकेट्स’ घेण्याचा दुर्मिळ पराक्रम केला.

मोडले दिग्गज खेळाडूंचे रेकॉर्ड –

Brazil’s Laura Cardoso makes T20I history with nine-wicket haul against Lesotho

Read @ANI Story | https://t.co/rfDsRjwXFe#Brazil #LauraCardoso #Lesotho #T20ICricket pic.twitter.com/krkXPW8Ihp

— ANI Digital (@ani_digital) April 9, 2026

यापूर्वी पुरुष टी-२० मध्ये भूतानच्या सोनम येशेच्या नावावर ८ विकेट्सचा विक्रम होता, तर महिलांमध्ये इंडोनेशियाच्या रोहमालियाने ७ विकेट्स घेतल्या होत्या. लॉराने या दोन्ही विक्रमांना मागे टाकून ९ विकेट्सचा नवा विक्रम प्रस्थापित केला. लॉराच्या या भेदक माऱ्यामुळे लेसोथोचा संपूर्ण संघ अवघ्या १३ धावांत गारद झाला आणि ब्राझीलने हा सामना १८९ धावांनी खिशात घातला.

हेही वाचा – CD Gopinath Death : भारतीय क्रिकेटचा एक सुवर्ण साक्षीदार हरपला! १९५२ च्या ऐतिहासिक विजयाचे नायक सी.डी. गोपीनाथ यांचं निधन

लॉरा कार्डोसोने वयाच्या १६ व्या वर्षीच हॅट्ट्रिक घेऊन आपली चमक दाखवली होती, पण आता ९ विकेट्स घेऊन तिने क्रिकेटच्या इतिहासात आपले नाव सुवर्ण अक्षरात कोरले आहे.