Suryansh Shedge Entry : ऐन आयर्लंड दौऱ्यापूर्वी टीम इंडियाचा हुकमी एक्का दुखापतग्रस्त! बीसीसीआयने एका रात्रीत केली रिप्लेसमेंट
Suryansh Shedge Entry : भारत आयर्लंडमध्ये २ आणि त्यानंतर १ जुलैपासून इंग्लंडमध्ये ५ अशा एकूण ७ आंतरराष्ट्रीय टी-२० सामन्यांची मालिका खेळणार आहे. नितीश रेड्डी बाहेर पडल्यानंतर बीसीसीआयने तात्काळ त्याच्या जागी मुंबईच्या एका धडाकेबाज अष्टपैलू खेळाडूची संघात निवड केली आहे
Suryansh Shedge Entry as Replacement after Nitish Kumar Reddy Ruled Out : भारत आणि आयर्लंड यांच्यात २६ जूनपासून सुरू होणाऱ्या टी-२० मालिकेपूर्वी भारतीय क्रिकेट संघाला एक मोठा धक्का बसला आहे. भारताचा स्टार अष्टपैलू खेळाडू नितीश कुमार रेड्डी दुखापतीमुळे आयर्लंड आणि इंग्लंड या दोन्ही महत्त्वाच्या दौऱ्यांमधून बाहेर पडला आहे. भारत आयर्लंडमध्ये २ आणि त्यानंतर १ जुलैपासून इंग्लंडमध्ये ५ अशा एकूण ७ आंतरराष्ट्रीय टी-२० सामन्यांची मालिका खेळणार आहे. नितीश रेड्डी बाहेर पडल्यानंतर बीसीसीआयने तात्काळ त्याच्या जागी मुंबईच्या एका धडाकेबाज अष्टपैलू खेळाडूची संघात निवड केली आहे.
नितीश रेड्डी का झाला बाहेर? (Suryansh Shedge Entry)
२० जून रोजी अफगाणिस्तानविरुद्ध झालेल्या तिसऱ्या वनडे सामन्यानंतर नितीश रेड्डीने डाव्या मांडीत तीव्र त्रास होत असल्याची तक्रार केली होती. बीसीसीआयच्या वैद्यकीय पथकाने तपासणी केल्यानंतर त्याला बंगळुरू येथील राष्ट्रीय क्रिकेट अकादमीत पुनर्वसनाचा सल्ला दिला आहे. त्यामुळे तो आगामी सर्व ७ टी-२० सामन्यांना मुकणार आहे.
सूर्यांश शेडगेला मिळालं मोठं बक्षीस! (Suryansh Shedge Entry)
🚨 News 🚨
Suryansh Shedge replaces injured Nitish Kumar Reddy in #TeamIndia‘s squads for Ireland and England series.
More Details 🔽 | #IREvIND | #ENGvIND https://t.co/M92NI1TbE0
— BCCI (@BCCI) June 23, 2026
सिलेक्शन कमिटीने नितीशच्या जागी सूर्यांश शेडगे याचा संघात समावेश केला आहे. २३ वर्षीय सूर्यांशने नुकत्याच श्रीलंकेत पार पडलेल्या तिरंगी मालिकेत ‘इंडिया-ए’ कडून खेळताना अप्रतिम कामगिरी केली होती. त्याने मधल्या फळीत फलंदाजी करताना ५ सामन्यांत १४७ धावा कुटल्या, तसेच २३ षटके गोलंदाजी करत महत्त्वाचे योगदान दिले. सूर्यांश हा २०२४-२५ मध्ये सय्यद मुश्ताक अली ट्रॉफी जिंकणाऱ्या मुंबईच्या संघाचा मुख्य शिलेदार होता, जिथे त्याने खालच्या क्रमांकावर २५१.९२ च्या तुफानी स्ट्राईक रेटने धावा केल्या होत्या.
आयर्लंड दौऱ्याचे वेळापत्रक आणि सुधारित संघ: (Suryansh Shedge Entry)
- २६ जून: पहिला टी-२० सामना, बेलफास्ट
- २८ जून: दुसरा टी-२० सामना, बेलफास्ट
भारतीय संघ : श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, तिलक वर्मा (उपकर्णधार), अक्षर पटेल, वॉशिंग्टन सुंदर, रवी बिश्नोई, हर्षित राणा, अर्शदीप सिंग, प्रिन्स यादव, वैभव सूर्यवंशी, प्रसिध कृष्णा, सूर्यांश शेडगे. (इंग्लंड दौऱ्यासाठी या संघात वरुण चक्रवर्तीचा समावेश होईल).
