Suryakumar Yadav Devisha Shetty Instagram Story Caption Leader Viral Photo : टीम इंडियाचा माजी टी-२० कर्णधार आणि धडाकेबाज फलंदाज सूर्यकुमार यादव पुन्हा एकदा सोशल मीडियावर तुफान चर्चेत आला आहे. यावेळच्या चर्चेचे कारण कोणतेही क्रिकेटचे मैदान नसून, त्याची पत्नी देविशा शेट्टी हिने इन्स्टाग्राम स्टोरीवर शेअर केलेला एक कौटुंबिक फोटो आहे. या व्हायरल फोटोमध्ये सूर्या आपल्या लहान मुलासोबत निवांत क्षण घालवताना दिसत आहे. मात्र, या शांत कौटुंबिक क्षणादरम्यान सूर्याने परिधान केलेल्या साध्या काळ्या टी-शर्टवरील दोन इंग्रजी शब्दांनी क्रिकेट पंडित आणि फॅन्सच्या भुवया उंचावल्या आहेत. त्याच्या टी-शर्टवर ‘Captain’ (कॅप्टन) आणि ‘Leader’ (लीडर) असे लिहिले होते.

‘कॅप्टन’ शब्दावर मारली फुली; कयासांना उधाण!

चाहत्यांचे लक्ष वेधून घेतले ते या टी-शर्टच्या डिझाईनने. टी-शर्टवर लिहिलेल्या ‘Captain’ या शब्दाला एका आडव्या रेषेने खोडण्यात (फुली मारण्यात) आले होते, तर त्याच्या खाली लिहिलेला ‘Leader’ हा शब्द पूर्णपणे स्पष्ट आणि चमकत होता. श्रेयस अय्यरच्या नेतृत्वाखाली भारतीय संघ आयर्लंड आणि इंग्लंड दौऱ्यावर अत्यंत खराब कामगिरी करत असतानाच हा फोटो समोर आल्याने सोशल मीडियावर तर्क-वितर्कांना उधाण आले आहे. हा थेट निवडकर्त्यांच्या निर्णयावर चपराक आहे का? असा सवाल चाहते विचारत आहेत. मात्र, अद्याप सूर्या किंवा देविशाने यावर कोणतीही अधिकृत स्पष्टीकरण दिलेले नाही.

Surya Babu targets Shreyas Iyer’s sister 🙂‍↔️🤞 pic.twitter.com/NgfSTJdkGD

— Cricket CEO (@CricketFactX) July 11, 2026

Surya with his daughter ❤
His T-shirt have message for someone
ATP he’s mocking BCCI 🤣🤣😭 pic.twitter.com/kEPkx2tRNM

— Steyn (@imsteyn160) July 10, 2026

वेळेवरून फॅन्सचा संताप; ‘सूर्या’ योजनेतून बाहेर -या पोस्टच्या टायमिंगने चर्चांना जास्त हवा दिली. टी-२० वर्ल्ड कप २०२६ जिंकून देणाऱ्या सूर्यकुमार यादवला अचानक टी-२० संघातून पूर्णपणे बाहेर काढण्यात आले आहे. एका मॅच-विनर फलंदाजाला भविष्याचा दाखला देत डच्चू दिल्याने फॅन्स आधीच संतप्त आहेत. त्यामुळे टी-शर्टवरील खोडलेला ‘कॅप्टन’ शब्द त्याच्याकडून कर्णधारपद हिरावून घेण्याच्या परिस्थितीशी जोडला जात आहे. अधिकृत कर्णधारपद नसले, तरी नेतृत्व क्षमता (Leadership) मनात जिवंत आहे, हेच सूर्याला दाखवायचे आहे, असा दावा नेटकरी करत आहेत.

हेही वाचा – Will Jacks Statement : “भविष्यात हा ‘पब क्विझ’चा प्रश्न बनेल…!” १५ वर्षीय वैभव सूर्यवंशीला बाद करणाऱ्या विल जॅक्सच मोठं वक्तव्य

सध्या आंतरराष्ट्रीय कारकिर्दीत कठीण टप्प्यातून जाणारा जगातील हा नंबर-१ फलंदाज संघात पुनरागमन करण्यासाठी संघर्ष करत आहे, तर दुसरीकडे त्याच्या या फोटोने बीसीसीआयच्या गोटात मात्र खळबळ उडवून दिली आहे.