Sunil Tatkare : रायगड जिल्ह्यातील ग्रामपंचायत निवडणुकांमध्ये राष्ट्रवादी काँग्रेसला मोठा धक्का बसला आहे. श्रीवर्धन तालुक्यातील दिवेआगार ग्रामपंचायतीवर अनेक वर्षे असलेली राष्ट्रवादीची सत्ता यावेळी उलथवली गेली असून ‘दिवेआगार विकास आघाडी’ने विजय मिळवला आहे. या निवडणुकीत विजय तोडणकर सरपंचपदी निवडून आले आहेत. (Sunil Tatkare)

दिवेआगार हे राष्ट्रवादी काँग्रेसचे प्रदेशाध्यक्ष सुनील तटकरे आणि मंत्री आदिती तटकरे यांचा बालेकिल्ला मानले जाते. त्यामुळे येथे झालेला पराभव पक्षासाठी मोठा राजकीय धक्का मानला जात आहे. यापूर्वी म्हसळा नगरपंचायतीतही राष्ट्रवादीला पराभवाचा सामना करावा लागला होता. (Sunil Tatkare)

११ सदस्यीय असलेल्या या ग्रामपंचायतीत यापूर्वी राष्ट्रवादीची मजबूत पकड होती. मात्र काही सदस्यांच्या पात्रतेवर आक्षेप घेतल्यामुळे जिल्हाधिकाऱ्यांनी ८ सदस्यांचे सदस्यत्व रद्द केले होते. त्यानंतर या जागांसह सरपंचपदासाठी पोटनिवडणूक घेण्यात आली. (Sunil Tatkare)

या निवडणुकीत राष्ट्रवादीविरोधी ‘दिवेआगार विकास आघाडी’ने सरपंचपदासह ३ सदस्यपदे जिंकत सत्ता आपल्या ताब्यात घेतली. विजय मिळवल्यानंतर नवनिर्वाचित सरपंच विजय तोडणकर यांनी स्थानिक पातळीवरील मनमानी कारभाराविरोधात जनतेने कौल दिल्याचे सांगत सुनील तटकरे यांना अप्रत्यक्ष टोला लगावला. (Sunil Tatkare)