Ramdas Kadam : ७ फेब्रुवारीला राज्यातील १२ जिल्हा परिषदा आणि त्याअंतर्गत येणाऱ्या १२५ पंचायत समित्यांच्या निवडणुका होणार आहेत. काल ५ फेब्रुवारीला या निवडणुकीच्या प्रचाराचा शेवटचा दिवस असल्याने राजकीय नेत्यांकडून सभा गाजवण्यात आल्या.

कोकणात देखील या निवडणुकीच्या पार्श्वभूमीवर राजकीय वातावरण चांगलेच तापले आहे. एका प्रचार सभेत बोलताना शिवसेना शिंदे पक्षाचे नेते रामदास कदम  (Ramdas Kadam ) यांनी राष्ट्रवादी काँग्रेस पक्षाचे प्रदेशाध्यक्ष सुनील तटकरे यांच्यावर जहरी टीका करत गंभीर आरोप केला आहे.

अजित पवार गेल्यानंतर सुनिल तटकरे यांनी गलिच्छ राजकारण केली असल्याची जहरी टीका रामदास कदम यांनी केली आहे. शरद पवार ताबा घेतील या भीतीने वहिनींना शपथ घ्यायला भाग पाडल्याचा आरोप कदमांना तटकरेंवर केला आहे. त्यामुळे कदमांनी केलेल्या आरोपांना आणि टीकेला सुनील तटकरे काय प्रत्युत्तर देणार का? हे पाहणे लागणार आहे. अजित पवार यांच्या निधानानंतर त्यांच्या पत्नी सुनेत्रा पवार राज्याच्या उपमुख्यमंत्री झाल्या आहेत. यावर संमिश्र प्रतिक्रिया उमटल्या. यावर भाष्य करताना रामदास कदमांनी थेट तटकरे यांच्यावर गंभीर आरोप केला.

नेमकं काय म्हणाले रामदास कदम?  

अजित पवार यांच्या चितेची आग विझण्याआधी वहिनींना शपथ घ्यायला भाग पाडलं. दहा दिवस गेले असते तर काय झालं असतं? असा सवाल उपस्थित करत शरद पवार ताबा घेतील या भीतीने वहिनींना शपथ घ्यायला भाग पाडलं. तटकरेंनी केलेली ही कृती निंदनीय आहे. महाराष्ट्र कधीही माफ करणार नाही.

भास्कर जाधव यांच्या टीकेचा समाचार 

यावेळी बोलताना रामदास कदम यांनी ठाकरे गटाचे नेते भास्कर जाधव यांनी केलेल्या टीकेचा देखील समाचार घेतला. भास्कर जाधवचा तोल गेलाय त्यामुळे त्याच्या पायाखालची वाळू सरकली आहे. भास्कर जाधव यांचा मेंदू सडलेला आहे. त्यांना चांगल्या डॉक्टरची गरज असल्याचे रामदास कदम म्हणाले आहेत. एकूणच जिल्हा परिषदा आणि पंचायत समित्यांच्या निवडणुकीच्या पार्श्वभूमीवर कालचा शेवटचा दिवस आरोप प्रत्यारोपांच्या राजकारणाने रंगला असल्याचे चित्र पाहायला मिळाले.

हेही वाचा : Wai Municipal Council : वाई नगरपालिकेत राजकीय भूकंप! राष्ट्रवादीचा सभात्याग; नेमकं प्रकरण काय?