Sunil Gavaskar Slams Shreyas Iyer Decision 17th Over Kuldeep Yadav IND vs WI 2nd T20I  : रांची येथे खेळल्या गेलेल्या दुसऱ्या टी-२० सामन्यात भारताला ऐतिहासिक पराभवाचा सामना करावा लागला. २५० धावांचा डोंगर उभारूनही टीम इंडियाला वेस्ट इंडिजकडून ६ गडी राखून पराभव पत्करावा लागल्याने क्रिकेटवर्तुळात आश्चर्य व्यक्त केले जात आहे. या धक्कादायक पराभवानंतर भारताचे महान फलंदाज सुनील गावस्कर (Sunil Gavaskar) यांनी भारतीय संघ व्यवस्थापन आणि कर्णधारपदाच्या रणनीतीवर थेट बोट ठेवले आहे. मोक्याच्या क्षणी १७ वे षटक फिरकीपटू कुलदीप यादवकडे सोपवण्याचा निर्णय भारताला महागात पडल्याचे गावस्करांनी स्पष्ट केले.

१७ व्या षटकात २४ धावांची लूट; विंडीजने फिरवला सामन्याचा रोख!

सामना अत्यंत चुरशीच्या वळणावर असताना कर्णधाराने वेगवान गोलंदाजांऐवजी चायनामन फिरकीपटू कुलदीप यादवला चेंडू दिला. या १७ व्या षटकात विंडीजच्या फलंदाजांनी ३ षटकार, १ चौकार आणि १ वाईडच्या मदतीने तब्बल २४ धावा कुटल्या. या एकाच षटकाने सामन्याचे पारडे पूर्णपणे वेस्ट इंडिजच्या बाजूने झुकवले आणि भारताच्या हातातून विजयाची संधी निसटली.

“अर्शदीप किंवा मयंकला आणायला हवे होते!”; गावस्करांचे मत

सुनील गावस्कर यांनी जिओ हॉटस्टारशी बोलताना सांगितले की, “मी १७ व्या षटकात अर्शदीप सिंग किंवा मयंक यादव यांच्यापैकी एकाला गोलंदाजी दिली असती. मयंकने सुरुवातीलाच दोन धक्के देऊन वेस्ट इंडिजला बॅकफूटवर ढकलले होते. विंडीजला त्या वेळी प्रति षटक १२ पेक्षा जास्त धावा हव्या होत्या. अशा मोक्याच्या क्षणी मयंकने आणखी एक विकेट्स घेतली असती, तर सामना पूर्णपणे भारताच्या खिशात आला असता.”

Brilliant knocks from Shai Hope and Sherfane Rutherford guide West Indies home in the 2nd T20I in Ranchi.

We move to Indore for the 3rd T20I.

Scorecard ▶️ https://t.co/mZlyaWZsoe

#TeamIndia | #INDvWI | @mflone_ https://t.co/Inp7I7R259

— BCCI (@BCCI) October 9, 2026

गोलंदाजीच्या नियोजनात गफलत; नवव्या षटकातील रणनीतीवरही प्रश्न!

गावस्करांच्या मते, नवव्या षटकात शिवम दुबेला गोलंदाजी देणे चुकीचे ठरले; कारण त्या वेळी विंडीजचे फलंदाज मैदानात सेट होण्याचा प्रयत्न करत होते. कुलदीप यादवचा वापर मधल्या षटकांमध्ये करायला हवा होता. अखेरच्या षटकांत फिरकीपटूला मैदानात उतरवून भारताने विंडीजच्या फलंदाजांना रान मोकळे करून दिले, असा दावा त्यांनी केला.

हेही वाचा – Hope Trolls Gill : “२५०? कूल!”; रांचीतील ऐतिहासिक विजयानंतर शाई होपने गिलचा हिशोब केला चुकता; इन्स्टा पोस्टने उडवली खळबळ

मयंकचा १४०+ किमी वेग प्रभावी; पण ४० षटकांचा खेळ महत्त्वाचा!

या सामन्यात भारतासाठी मयंक यादवची १४० किमी प्रतितासपेक्षा जास्त वेगाने केलेली गोलंदाजी सकारात्मक ठरली असली, तरी मुख्य प्रशिक्षक गौतम गंभीर यांनी सामन्यानंतर स्पष्ट केले की, विजय मिळवण्यासाठी संपूर्ण ४० षटके सर्वोत्तम खेळ करावा लागतो; सामना पहिल्याच षटकात जिंकता किंवा हरता येत नाही.