वंदना बर्वे

Maharashtra Politics : राष्ट्रवादी कॉंग्रेसच्या अध्यक्षा सुनेत्रा पवार आणि माजी केंद्रीय मंत्री प्रफुल्ल पटेल यांच्यातील पक्षावरील वर्चस्वाची लढाई तीव्र होण्याची शक्यता बळावली आहे. केंद्रीय निवडणूक आयोगाने राष्ट्रवादी कॉंग्रेसच्या अध्यक्षांना एक पत्र पाठविले आहे. (Maharashtra Politics)

या पत्रात आयोगाने 26 फेब्रुवारी रोजी राष्ट्रीय कार्यकारिणीची बैठक बोलाविण्यात आली होती. या बैठकीत पक्षाच्या घटनेत अनेक बदल करण्यात आले होते. पक्षाची घटना बदलण्यासाठी कार्यकारिणीत घेण्यात आलेल्या ठरावांची प्रत सादर करण्यास आयोगाने या पत्रात सांगितले आहे. (Maharashtra Politics)

आयोगाच्या पत्रानुसार, 26 फेब्रुवारीच्या कार्यकारिणीच्या बैठकीत घटनेची कलम 6,7, 12, 18 (1), 32 आणि 36 मध्ये बदल करण्यात आले होते. परंतु, सुनेत्रा पवार यांनी आयोगाला दोन पत्र लिहिले. त्यात फक्त 18 (1) मध्ये बदलाशी संबधित ठरावाची प्रत जोडली आहे. उर्वरित कलमांमध्ये बदल करण्यासाठी जे ठराव घेण्यात आले होते त्याची प्रत सुध्दा उपलब्ध करून देण्यात यावे, असे आयोगाने पत्रात म्हटले आहे. (Maharashtra Politics)

दरम्‍यान, अजित पवार यांच्या निधनानंतर 26 फेब्रुवारी रोजी राष्ट्रवादीची कार्यकारिणी बोलावण्यत आली होती. या कार्यकारिणीमध्ये सुनेत्रा पवार यांची राष्ट्रवादी काँग्रेसच्या राष्ट्रीय अध्यक्ष म्हणून निवड करण्यात आली होती. या सर्व ठरावाच्या प्रती देण्यास आयोगाने सांगितले आहे. आयोगाचे हे पत्र प्रफुल पटेल गटाच्या पथ्यावर पडण्याची शक्यता आहे. (Maharashtra Politics)

Maharashtra Politics : मनसेला मोठा धक्का; ८ प्रमुख नेत्यांसह शेकडो कार्यकर्त्यांनी सोडली साथ

Maharashtra Politics : एकनाथ शिंदेंना धक्का; बड्या नेत्याचा तडकफडकी राजीनामा