Maharashtra Politics : रायगडच्या राजकीय वर्तुळात मोठी घडामोड घडली आहे. महाराष्ट्र नवनिर्माण सेनेचे अध्यक्ष राज ठाकरे यांच्या ९ ऑगस्टच्या प्रस्तावित रायगड दौऱ्यापूर्वीच मनसेला मोठा धक्का बसला आहे. दक्षिण रायगडमधील मनसेचे आठ प्रमुख पदाधिकारी आणि शेकडो कार्यकर्त्यांनी एकनाथ शिंदे यांच्या नेतृत्वावरील विश्वास व्यक्त करत शिवसेनेत (शिंदे गट) प्रवेश केला. (Maharashtra Politics)

माणगाव येथे मंत्री भरत गोगावले यांच्या उपस्थितीत झालेल्या पक्षप्रवेश सोहळ्यात मनसेचे अनेक जिल्हास्तरीय पदाधिकारी शिवसेनेत दाखल झाले. प्रवेश करणाऱ्यांमध्ये माजी रायगड संपर्क अध्यक्ष दिलीप सांगळे, विद्यार्थी सेनेचे रायगड जिल्हाध्यक्ष प्रतिक रहाटे, तळा तालुकाध्यक्ष बाबू फुलारे, माथाडी अध्यक्ष राजा टेंबे यांच्यासह अनेक प्रमुख पदाधिकाऱ्यांचा समावेश आहे. (Maharashtra Politics)

राज ठाकरे यांच्या रायगड दौऱ्याची तयारी सुरू असतानाच ही मोठी राजकीय घडामोड घडल्याने जिल्ह्याच्या राजकारणात चर्चांना उधाण आले आहे. जिल्हा पातळीवरील अनेक पदाधिकाऱ्यांनी आधी पक्षाच्या पदांचा राजीनामा दिला आणि त्यानंतर शिवसेनेत प्रवेश केल्याने मनसेच्या संघटनात्मक ताकदीवर परिणाम होण्याची शक्यता व्यक्त केली जात आहे. (Maharashtra Politics)

सूत्रांच्या माहितीनुसार, मनसेतील अलीकडील पदाधिकारी फेरबदल आणि पक्षाच्या कार्यपद्धतीबाबत काही पदाधिकारी व कार्यकर्त्यांमध्ये नाराजी होती. याच पार्श्वभूमीवर दक्षिण रायगडमध्ये राजीनामा आणि पक्षांतराचे सत्र सुरू झाल्याची चर्चा आहे. (Maharashtra Politics)

दरम्यान, काही दिवसांपूर्वी रायगडमध्ये भाजपमधून राष्ट्रवादी काँग्रेसमध्ये पक्षप्रवेशाची चर्चा रंगली होती. त्यानंतर आता मनसेतील मोठ्या प्रमाणातील पक्षांतरामुळे रायगडमधील राजकीय समीकरणे पुन्हा एकदा बदलताना दिसत आहेत. (Maharashtra Politics)

Maharashtra Politics : राज्यात भाजपला मोठा धक्का; बड्या नेत्यानं सोडली साथ

Maharashtra Politics : काँग्रेस-राष्ट्रवादीला मोठा धक्का! नगरसेविकेसह NCP उमेदवाराचे जात प्रमाणपत्र अवैध; जिल्हाधिकाऱ्यांच्या निर्णयाकडे लक्ष