Sunetra Pawar : उपमुख्यमंत्री अजित पवार यांच्याबाबत मोठं विधान करत मंत्री छगन भुजबळ आणि आदिती तटकरे यांनी सुनेत्रा पवार मुख्यमंत्री व्हाव्यात, अशी इच्छा व्यक्त केली आहे. या विधानामुळे राज्याच्या राजकारणात चर्चांना उधाण आले आहे. (Sunetra Pawar) बारामतीतील प्रचार सभेत बोलताना आदिती तटकरे म्हणाल्या की, “अजितदादा हे केवळ एक व्यक्ती नाहीत, तर एक विचार आहेत. त्यांनी या भूमीत अनेक स्वप्नं पाहिली आणि ती पूर्णही केली. सहा वेळा उपमुख्यमंत्री झाल्यानंतर आता त्यांना मुख्यमंत्री म्हणून पाहण्याची वेळ आली आहे.” यावेळी त्यांनी भावनिक होत पुढे सांगितले की, “भविष्यात सुनेत्रा पवार यांनी दादांचे मुख्यमंत्रीपदाचे स्वप्न पूर्ण करावे,” अशी अपेक्षा त्यांनी व्यक्त केली. त्यांच्या या वक्तव्याला छगन भुजबळ यांनीही दुजोरा दिला. (Sunetra Pawar) बारामतीला “विकासाची पंढरी” संबोधत तटकरे म्हणाल्या की, अजित पवारांनी या मतदारसंघात मोठ्या प्रमाणावर विकासकामे केली आहेत. निवडणुकीपूर्वी ते नेहमी मारुतीरायाचे दर्शन घेत असत, अशी आठवणही त्यांनी सांगितली. या वक्तव्यांमुळे बारामतीसह राज्यभरात राजकीय चर्चांना वेग आला असून, आगामी काळात याचे राजकीय परिणाम काय होतात याकडे सर्वांचे लक्ष लागले आहे. (Sunetra Pawar)
