पाचगणी – छत्रपतीच्या घराण्यात संघर्ष नको म्हणून आम्ही दोघा भावांनी जुळवून घेतलं आहे. राजकारणात मला संघर्ष नवा नाही. पण माझा काटा काढण्याकरीता कोण मला टार्गेट करत असेल तर मी अभयसिंहराजेचा सुपुत्र आहे. राजकारणात मीही काट्याने काटा काढणार, अशी स्पष्ट भूमिका आमदार शिवेंद्रसिंहराजे भोसले यांनी कुडाळ येथील शेतकरी मेळाव्यात व्यक्त केली.

एरवी संयमाने बोलून वातावरण थंड ठेवत राजकीय सारीपाटावर संयमाने चाल खेळणारे आमदार शिवेंद्रराजे यांचा आजचा अँग्री यंग मॅनचा डायलॅाग जावळी तालुक्यात चर्चेचा विषय झाला आहे.

कुडाळ येथे आमदार शशिकांत शिंदे यांना एक प्रकारे अल्टीमेटम देत मी कोणताही दगाफटका शिंदेना केला नाही. पण जर कोणी माझ्यावर संघर्ष लादायचा प्रयत्न करत असेल तर मीही त्याला पुरुन उरणार आहे, असा इशारा शिवेंद्रराजेनी दिला आहे.