Shivam Dube Viral Photo With Sister In Law Tabassum Khan Wife Anjum Khan Reaction : भारतीय क्रिकेट संघाचा स्टार अष्टपैलू खेळाडू शिवम दुबे (Shivam Dube) सध्या पुन्हा एकदा जोरदार चर्चेत आला आहे. मात्र, यावेळी तो मैदानावरील गगनचुंबी षटकारांमुळे नव्हे, तर सोशल मीडियावर समोर आलेल्या काही खास फोटोंमुळे चर्चेचा विषय ठरला आहे. शिवम दुबेची मेहुणी (साली) तबस्सुम खानने इन्स्टाग्रामवर काही फोटो शेअर केले आहेत, ज्यामध्ये शिवम दुबे तिच्यासोबत एका आलिशान बाईकवर बसलेला दिसत असून, या फोटोंनी नेटकऱ्यांचे लक्ष वेधून घेतले आहे.

‘माझ्यासारखी बहीण मिळाली, नशीबवान आहात’; मेहुणीचे मजेशीर कॅप्शन –

तबस्सुम खानने हा फोटो शेअर करताना एक हटके आणि मजेशीर कॅप्शन लिहिले आहे. तिने म्हटले, “तुम्ही खूप नशीबवान आहात की तुम्हाला माझ्यासारखी कुल बहीण मिळाली.” मेहुणी आणि दाजी यांच्यातील ही खास केमिस्ट्री सोशल मीडियावर येताच व्हायरल झाली. मात्र, यात सर्वात जास्त चर्चा रंगली ती शिवमची पत्नी अंजुम खानच्या प्रतिक्रियेची. अंजुमने या पोस्टला लाईक करत दोघांच्या बाँडिंगचे कौतुक केले असून चाहत्यांनाही तिची ही प्रतिक्रिया खूप भावली आहे.

हिंदू-मुस्लिम दोन्ही रीतीरिवाजांनुसार विवाह; चर्चेत राहिली होती लव्ह स्टोरी –

 

View this post on Instagram

 

शिवम दुबे आणि अंजुम खान यांनी अनेक वर्षे एकमेकांना डेट केल्यानंतर १६ जुलै २०२१ रोजी मुंबईत लग्नगाठ बांधली होती. वेगवेगळ्या धर्माचे असल्यामुळे त्यांचे लग्न बरेच चर्चेत आले होते. दोघांनी हिंदू आणि मुस्लिम दोन्ही परंपरांचा आदर करत लग्न केले होते. उत्तर प्रदेशातील अंजुमने अलिगढ मुस्लिम विद्यापीठातून फाइन आर्ट्सचे शिक्षण घेतले असून ती मॉडेल, अभिनेत्री आणि व्हॉईस-ओव्हर आर्टिस्ट आहे. या दाम्पत्याला अयान नावाचा मुलगा आणि महविश नावाची मुलगी अशी दोन मुले आहेत.

हेही वाचा – Women Asia Cup : आशिया चषकाच्या फायनलमध्ये रंगणार IND vs PAK महासंग्राम? फक्त ‘हा’ एकच अडथळा; आज होणार निर्णय

टीम इंडिया आणि CSK चा मॅचविनर; दोन टी-२० विश्वचषकांचा विजेता –

३३ वर्षीय अष्टपैलू शिवम दुबे सध्या भारतीय संघ आणि आयपीएलमध्ये चेन्नई सुपर किंग्सचा महत्त्वाचा खेळाडू आहे. त्याने भारतासाठी ७० हून अधिक टी-२० आंतरराष्ट्रीय सामन्यांत १००० हून अधिक धावा कुटल्या असून ३० पेक्षा जास्त विकेट्सही मिळवल्या आहेत. याशिवाय त्याने भारताचे एकदिवसीय सामन्यांतही प्रतिनिधित्व केले आहे. विशेष म्हणजे २०२४ आणि २०२६ च्या टी-२० विश्वचषक विजेत्या भारतीय संघाचा तो महत्त्वाचा भाग राहिला आहे.