Neeraj Yadav Death : भारताचा सुवर्णपदक विजेता नीरज यादवचा संशयास्पद मृत्यू; महिला मित्राच्या भूमिकेवर नातेवाइकांचा संशय
Neeraj Yadav Death : भारताचा स्टार पॅरा-ॲथलीट नीरज यादवने सोमवारी रात्री संशयास्पद मृत्यू झाला आहे. या प्रकरणी नीरजची एक मैत्रीण पुढे आली आहे.
Asian Para Games Gold Medalist Neeraj Yadav Found Dead in Delhi : तीन वेळा आशियाई पॅरा गेम्समध्ये भारताला सुवर्णपदक मिळवून देणारा अव्वल भालाफेकपटू आणि थाळीफेकपटू नीरज यादव (वय ४२) याचा संशयास्पद मृत्यू झाला आहे. सोमवारी रात्री दिल्लीतील मौजपूर मेट्रो स्थानकाजवळ नीरज त्याच्याच गाडीजवळ बेशुद्ध अवस्थेत आढळला. यानंतर जीटीबी रुग्णालयात दाखल केले असता, डॉक्टरांनी त्याला मृत घोषित केले. पोलिसांनी हा आत्महत्येचा प्रकार असल्याचा प्राथमिक संशय व्यक्त केला असून, या घटनेने संपूर्ण भारतीय क्रीडाविश्वात मोठी खळबळ उडाली आहे.
मध्यरात्री रुग्णालयातून पोलिसांना माहिती –
पोलिसांना रात्री सुमारे १२ वाजून ८ मिनिटांनी जीटीबी रुग्णालयातून या घटनेची माहिती मिळाली. हरियाणातील सोनेपत येथे स्पोर्ट्स ॲकॅडमी चालवणारा नीरज यादव एका महिलेसोबत होता. मिळालेल्या माहितीनुसार, ती महिला नीरजला डिसेंबर २०२५ पासून ओळखत होती. तिने पोलिसांना दिलेल्या जबाबानुसार, २७ ऑक्टोबर रोजी ती नीरजला भेटण्यासाठी सोनेपतला गेली होती आणि तिने नीरजला पुढे संपर्क न ठेवण्याचा निर्णय सांगितला होता. त्यानंतर नीरजनेच तिला मौजपूर मेट्रो स्टेशनपर्यंत कारने सोडले.
रात्री ९ च्या सुमारास रस्त्यावर पडलेला दिसला –
Delhi: Para-athlete Neeraj Yadav (42 years), who won three gold medals for India at the Para Asian Games, has allegedly committed suicide. His postmortem is being conducted at Guru Teg Bahadur (GTB) Hospital. The actual cause of death has not yet come fully to light. The investigation into the matter is ongoing
— IANS (@ians_india) October 28, 2026
त्या महिलेने दावा केला की, रात्री सुमारे ९ वाजता जेव्हा ती मौजपूर मेट्रो स्थानकाच्या गेट क्रमांक १ जवळ नीरजला पाहण्यासाठी परत आली, तेव्हा नीरज कारच्या बाजूला रस्त्यावर पडलेला दिसला. त्यानंतर तिने तात्काळ त्याला रुग्णालयात नेले, जिथे डॉक्टरांनी मृत घोषित केले. मात्र, या प्रकरणातील गूढ अद्याप उकललेले नाही.
नातेवाइकांचा अविश्वास; महिलेच्या चौकशीची मागणी –
HEARTBREAKING NEWS: THREE-TIME ASIAN PARA GAMES GOLD MEDALLIST NEERAJ YADAV DIES AT 42 🇮🇳💔
The Indian Para-athlete reportedly died by suicide on Tuesday night, according to a report by The Times of India. The circumstances surrounding his death remain unclear.
Neeraj won Gold in Men’s Javelin F55 at the 2018 Asian Para Games and two more Gold medals at the 2022 Asian Para Games.
Our heartfelt condolences to his family, friends, and the sporting community during this difficult time.
May his soul rest in peace. 🙏
— The Khel India (@TheKhelIndia) October 28, 2026
नीरजच्या अचानक जाण्याने त्याच्या कुटुंबीयांना आणि नातेवाइकांना प्रचंड धक्का बसला आहे. नातेवाइकांनी त्या महिलेबद्दल कोणतीही माहिती नसल्याचे सांगत तिच्या भूमिकेची सखोल चौकशी करण्याची मागणी केली आहे. “नीरजने आयुष्यात प्रचंड संघर्ष केला, संकटांवर मात करत तो मैदानावर लढला. तो असे टोकाचे पाऊल उचलू शकतो यावर आमचा विश्वासच बसत नाही,” अशी भावनिक प्रतिक्रिया नातेवाइकांनी दिली.
पोलिओवर मात करत जिंकली होती तीन सुवर्णपदके –
🚨 पैरा एथलीट नीरज यादव की संदिग्ध मौत से हड़कंप!
महिला मित्र के खुलासे और डोपिंग बैन से जुड़े तनाव पर पुलिस की नजर। परिवार ने उठाए सवाल, जांच जारी।
पूरी खबर पढ़ें 👇
https://t.co/kizPfShYE6#NeerajYadav #ParaAthlete #BreakingNews https://t.co/tReCZlY2ld
— JAGMARG NEWS (@jag_margnews) October 29, 2026
वयाच्या सातव्या वर्षी पोलिओ पॅरालिसिसचा सामना करावा लागल्यानंतरही नीरजने कधी हार मानली नाही. सुरुवातीला व्हीलचेअर टेबल टेनिस खेळणारा नीरज २०१५ मध्ये ॲथलेटिक्सकडे वळला. त्याने आशियाई पॅरा गेम्समध्ये भारतासाठी तब्बल तीन सुवर्णपदके पटकावली, ज्यात भालाफेक आणि थाळीफेक या दोन्ही प्रकारांचा समावेश होता. २०१८ मध्ये विवाहबद्ध झालेल्या नीरजला तीन वर्षांची लहान मुलगी आहे.
