Ranji Trophy 2026 Round Up Kotian Pramanik Lead Mumbai Bengal To Massive Victories : रणजी करंडक क्रिकेट स्पर्धेत गुरुवारचा दिवस मुंबई आणि बंगालच्या दमदार कामगिरीने गाजवला. फिरकीपटू तनुष कोटियन याने कारकिर्दीतील सर्वोत्तम कामगिरी करत ८ विकेट्स घेतल्याने गतविजेत्या मुंबईने हरियाणाचा १० गडी राखून धुव्वा उडवला. दुसरीकडे, प्रदीप्ता प्रमाणिक याने प्रथम श्रेणी क्रिकेटमध्ये पहिल्यांदाच सामन्यात १० विकेट्स घेण्याचा पराक्रम करत बंगालला केरळविरुद्ध २८७ धावांनी एकतर्फी विजय मिळवून दिला.

कोटियनची फिरकी अन् अंगकृषचे वादळ; मुंबईचा जलद विजय –

हरियाणाचा दुसरा डाव २५६ धावांवर रोखल्यानंतर मुंबईला विजयासाठी अवघ्या ९७ धावांचे सोपे आव्हान मिळाले होते. शेवटच्या दिवशी २ बाद ७३ धावांवरून पुढे खेळणाऱ्या हरियाणाचा कोटियनच्या अचूक माऱ्याने अक्षरशः चुराडा केला. त्यानंतर पहिल्या डावातील शतकवीर अंगकृष रघुवंशी याने अवघ्या ३९ चेंडूंत नाबाद ६७ धावा आणि दिव्यांश सक्सेनाने नाबाद ३० धावांची खेळी करत हे आव्हान अवघ्या १०.४ षटकांत एकाही विकेटशिवाय पार केले.

A sensational spell from Tanush Kotian for Mumbai against Haryana!

#RanjiTrophy https://t.co/JJQOvwR1vR

— Cricbuzz (@cricbuzz) October 29, 2026

प्रमाणिकच्या १० विकेट्स; बंगालची केरळवर मात –

It’s been long due!

Since becoming a star in Bengal in his teenage years, to every season proving himself again and again in club cricket, Pradipta Pramanik is delivering at the top level!

I hope he gets a long run this time!

10-wicket-haul for him vs Kerala!

Bengal 3/3 ✅ https://t.co/IJI34HUv8R

— Koushik Biswas (@kbofficial25) October 29, 2026

केरळला विजयासाठी ४०८ धावांचे अशक्यप्राय आव्हान देणाऱ्या बंगालने प्रतिस्पर्ध्यांना अवघ्या १२० धावांत गुंडाळले. डाव्या हाताचा फिरकीपटू प्रदीप्ता प्रमाणिकने दुसऱ्या डावात ५१ धावांत ६ विकेट्स घेत सामन्यात ९५ धावांत १० विकेट्स पूर्ण केल्या. अष्टपैलू शाहबाज अहमदने पहिल्या डावात १२१ धावा आणि सामन्यात ४ विकेट्स घेत सामनावीराचा पुरस्कार पटकावला, तर वेगवान गोलंदाज मोहम्मद शमीने सामन्यात ५ विकेट्स मिळवून विजयात मोलाचा वाटा उचलला.

बडोनीचे सलग दुसरे द्विशतक व्यर्थ; पावसाने खेळ बिघडवला –

“𝐈 𝐰𝐚𝐧𝐭𝐞𝐝 𝐭𝐨 𝐦𝐚𝐤𝐞 𝐚 𝐬𝐭𝐚𝐭𝐞𝐦𝐞𝐧𝐭. 𝐓𝐡𝐞 𝐝𝐫𝐞𝐚𝐦 𝐢𝐬 𝐭𝐨 𝐩𝐥𝐚𝐲 𝐟𝐨𝐫 𝐈𝐧𝐝𝐢𝐚.” 🗣️

Ayush Badoni, who struck an unbeaten 2⃣1⃣0⃣ against Jharkhand, revealed that he had trained six hours every day while preparing for the Ranji Trophy season 👏

READ: https://t.co/TPBGnT9mbk

✍️: @vivek9301 | 📸: @rvmoorthyhindu

#RanjiTrophy #Delhi #AyushBadoni

— Sportstar (@sportstarweb) October 29, 2026

रांची येथे सुरू असलेल्या दिल्ली विरुद्ध झारखंड सामन्यात पावसाने अखेरच्या दोन दिवसांचा खेळ वाया नेला. त्यामुळे दिल्लीला पहिल्या डावातील आघाडीच्या जोरावर ३ गुण आणि झारखंडला १ गुणावर समाधान मानावे लागले. दिल्लीचा कर्णधार आयुष बडोनी याने २२८ चेंडूंत नाबाद २१० धावांची मॅरेथॉन खेळी केली, जे त्याचे स्पर्धेतील सलग दुसरे द्विशतक ठरले. ओडिशा आणि सर्व्हिसेस यांच्यातील सामनाही पावसामुळे अनिर्णित राहिला.

हेही वाचा – India beat China : भारतीय हॉकी संघाचा विजयरथ सुसाट; चीनचा ५-२ ने उडवला धुव्वा, आता जपानशी होणार महामुकाबला

सौराष्ट्र, विदर्भ आणि कर्नाटकचे एकतर्फी विजय –

इतर सामन्यांमध्ये सौराष्ट्रने पार्थ भुतच्या १७ धावांत ८ बळींच्या जोरावर आसामला एक डाव आणि १२ धावांनी पराभूत केले. विदर्भने गोव्यावर एक डाव आणि २७ धावांनी मात केली, तर कर्नाटकने कर्णधार श्रेयस गोपालच्या ५ विकेट्सच्या जोरावर त्रिपुराचा एक डाव आणि ११६ धावांनी धुव्वा उडवला. तमिळनाडूने रेल्वेवर विजय मिळवला, तर उत्तर प्रदेश आणि पुद्दुचेरी यांच्यातील लढत अनिर्णित सुटली.