Mumbai Indians Becomes Most Valuable IPL Franchise Sportico Report : पाच वेळा आयपीएल चषक जिंकणारा मुंबई इंडियन्स (MI) संघ आता इंडियन प्रीमियर लीगच्या इतिहासातील सर्वात मूल्यवान संघ बनला आहे. ‘स्पोर्टिको’च्या २०२६ च्या ताज्या मूल्यांकन अहवालानुसार, मुंबई इंडियन्सचे एकूण मूल्य २.१ अब्ज डॉलर्स म्हणजेच तब्बल २० हजार कोटी रुपयांच्या पार पोहोचले आहे. त्याच वेळी, संपूर्ण आयपीएलचे एकत्रित मूल्य आता १७ अब्ज डॉलर्सपर्यंत वाढले असून, प्रत्येक संघाची सरासरी किंमत आता १६ हजार कोटी रुपयांपेक्षा अधिक झाली आहे.

आरसीबी आणि चेन्नईला मागे टाकून मुंबई अव्वल –

रिलायन्स इंडस्ट्रीजच्या मालकीच्या मुंबई इंडियन्सने ब्रँड व्हॅल्यूच्या बाबतीत रॉयल चॅलेंजर्स बंगळुरू (RCB) आणि चेन्नई सुपर किंग्स (CSK) या दोन्ही लोकप्रिय संघांना मागे टाकले आहे. ताज्या अहवालानुसार, आरसीबीचे मूल्यांकन १.८५ अब्ज डॉलर्स (१७ हजार कोटी रुपयांपेक्षा जास्त) इतके आहे, तर चेन्नई सुपर किंग्सचे मूल्य १६ हजार ५०० कोटी रुपयांहून अधिक नोंदवले गेले आहे.

२००८ मधील गुंतवणूक आता १९ पटीने वाढली –

IPL Teams Valuation in 2026 🤑📈 https://t.co/gYAQBt3iaM

— SportsGully Cricket 🏏 (@sportsgullycric) October 29, 2026

मुकेश अंबानी यांच्या रिलायन्स इंडस्ट्रीजने २००८ मध्ये मुंबई इंडियन्सची फ्रँचायझी १११.९ दशलक्ष डॉलर्समध्ये खरेदी केली होती. त्यावेळी ही मूळ आठ संघांमधील सर्वात महागडी फ्रँचायझी होती. आज तिच्या मूळ मूल्यांकनात तब्बल १९ पटीने वाढ झाली आहे. विशेष म्हणजे, पुढील हंगामापासून आंतरराष्ट्रीय स्पोर्ट्स ब्रँड ‘नायकी’ तब्बल १९ वर्षांनंतर मुंबई इंडियन्सचा किट पार्टनर म्हणून पुनरागमन करत आहे.

सर्वात स्वस्त फ्रँचायझींना मिळाला सर्वात मोठा परतावा –

The Mumbai Indians rank first in our inaugural @IPL valuations, followed by the Royal Challengers Bengaluru and Chennai Super Kings with the average franchise value being $1.7 billion.

The IPL continues to attract investor capital, thanks to regular-season games that typically draw more broadcast viewers than the Super Bowl. The league also has tight player cost controls, producing 30% profit margins for many teams. Scarcity is driving up sports team prices around the globe, and the IPL is the ultimate scarce asset with only 10 teams.

— Sportico (@Sportico) October 28, 2026

अहवालानुसार, सुरुवातीला सर्वात कमी दराने विकल्या गेलेल्या संघांना सर्वात मोठा नफा मिळाला आहे. २००८ मध्ये सर्वात स्वस्त ठरलेल्या राजस्थान रॉयल्सची (६७ दशलक्ष डॉलर्स) किंमत तब्बल २५ पटीने वाढली आहे; मे महिन्यात लक्ष्मी मित्तल यांच्या समूहाने ती १.६५ अब्ज डॉलर्समध्ये खरेदी केली. शाहरुख खानची सह-मालकी असलेली कोलकाता नाईट रायडर्स (KKR) देखील ७५.०९ दशलक्ष डॉलर्सवरून २३ पटीने वाढली आहे.

हेही वाचा – Abhishek Sharma Rankings : अभिषेक शर्मा बनला जगातील नंबर १ फलंदाज; इशान टाकले मागे, मार्को यान्सेनने जडेजाचे संपवले ४ वर्षांचे वर्चस्व

आयपीएलच्या एकूण व्हॅल्यूएशनमध्ये १,९०० टक्क्यांची प्रचंड वाढ –

.@Sportico published its first Indian Premier League team valuations. @mipaltan lead at $2.1 billion, with IPL franchises valued in a narrow range—the “get-in” is $1.5 billion, same as NHL and a tick ahead of MLB ($1.45B).

Compared to other leagues, IPL teams are wildly expensive, based on revenue multiples.

— Kurt Badenhausen (@kbadenhausen) October 28, 2026

२००८ मध्ये आठ मूळ संघ मिळून ७२३.५९ दशलक्ष डॉलर्समध्ये विकले गेले होते. आज या संघांचे एकूण मूल्य १२.३१ अब्ज डॉलर्सवर पोहोचले असून यामध्ये सुमारे १,९०० टक्क्यांची प्रचंड वाढ झाली आहे. अहवालानुसार, एका सरासरी आयपीएल संघाने २०२६ च्या हंगामात ७४.४ दशलक्ष डॉलर्सचा विक्रमी महसूल कमावला आहे.