South Africa Enforce Follow-On Against Australia After 56 Years in Gqeberha Test : सेंट जॉर्ज पार्क मैदानावर खेळल्या जाणाऱ्या दुसऱ्या कसोटी सामन्यात यजमान दक्षिण आफ्रिकेने ऑस्ट्रेलियाविरुद्ध पूर्णपणे वर्चस्व प्रस्थापित केले आहे. कर्णधार टेम्बा बावुमाच्या शानदार शतकाच्या जोरावर दक्षिण आफ्रिकेने आपला पहिला डाव ९ बाद ४२५ धावांवर घोषित केला. या धावसंख्येचा पाठलाग करताना ऑस्ट्रेलियन फलंदाजी पत्त्यांच्या बंगल्यासारखी कोसळली. वेगवान गोलंदाज मार्को यान्सन याच्या भेदक माऱ्यापुढे कांगारूंचा संपूर्ण संघ अवघ्या ९९ धावांवर गारद झाला. पहिल्या डावात ३२६ धावांची भक्कम आघाडी मिळवत आफ्रिकेने ऑस्ट्रेलियावर तब्बल ५६ वर्षांनंतर फॉलोऑन लादण्याचा ऐतिहासिक पराक्रम केला आहे.

५६ वर्षांनंतर लादला फॉलोऑन; कसोटी इतिहासातील पाचवी वेळ –

कसोटी क्रिकेटच्या इतिहासात दक्षिण आफ्रिकेने ऑस्ट्रेलियावर फॉलोऑन लादण्याची ही पाचवीच वेळ ठरली आहे. यापूर्वी १९०२ मध्ये जोहान्सबर्ग येथे पहिल्यांदा असा प्रसंग घडला होता. त्यानंतर डरबनमध्ये १९६७ आणि १९७० मध्ये आफ्रिकेने ऑस्ट्रेलियाला फॉलोऑन देत दोन्ही सामने जिंकले होते. आता तब्बल ५६ वर्षांच्या प्रदीर्घ कालखंडानंतर आफ्रिकी संघाने पुन्हा एकदा कांगारूंवर ही नामुष्की आणली आहे. तसेच पहिल्या डावातील ३२६ धावांची आघाडी ही आफ्रिकेची ऑस्ट्रेलियाविरुद्धची तिसरी सर्वोच्च आघाडी ठरली आहे.

ऑस्ट्रेलियन फलंदाजांची शरणागती; स्टीव्ह स्मिथच्या सर्वाधिक २८ धावा –

Australia all out for 99 against South Africa in 2nd test

Australia’s 4th lowest total in Tests against SA
Marco Jansen takes a 5 wicket haul.
South Africa gets a massive lead of 326 runs
South Africa has enforced a follow-on
#SAvsAUS #AUSvsSA #TestMatch
https://t.co/VAqsrQoo5Y

— Aryan (@chinchat09) October 21, 2026

ऑस्ट्रेलियाचा दक्षिण आफ्रिकेविरुद्धचा हा चौथा निच्चांकी धावसंख्या ठरली. सलामीवीर निक मॅडिसन पहिल्याच षटकात शून्यावर बाद झाला. ट्रेव्हिस हेड १४, मार्नस लाबुशेन १४, मॅट रेनशॉ १२ आणि वेबस्टर १३ धावांवर बाद झाले, तर यष्टीरक्षक ॲलेक्स कॅरीला खातेही उघडता आले नाही. संघातील तब्बल सहा फलंदाज दुहेरी आकडाही गाठू शकले नाहीत. एकाकी लढा देणाऱ्या स्टीव्ह स्मिथने ८८ चेंडूंत २८ धावा केल्या. मिचेल स्टार्क १ आणि कर्णधार पॅट कमिन्स ७ धावांवर बाद झाल्याने अवघ्या ९९ धावांत डाव आटोपला.

हेही वाचा – Simran Sharma Gold : अवघ्या ६ महिन्यांत झाला जन्म, गेली डोळ्यांची दृष्टी; भारताच्या लेकीने जपानमध्ये २ सुवर्णपदकं जिंकत रचला इतिहास

मार्को यान्सनचे ५ विकेट्स; अष्टपैलू कामगिरीने कांगारूंना रोखले –

Australia 99 all out & 12/1 (follow-on)
Trail by ~314 runs.
South Africa enforced the follow-on after bundling Australia out for just 99. Early wicket already in the second dig (Maddinson gone again). SA are fully in control here #SAvAUS https://t.co/P1UZneQcLa

— D11HALAPLAY TEAM (@HALAPLAYTEAM) October 21, 2026

दक्षिण आफ्रिकेच्या या ऐतिहासिक घसरगुंडीत अष्टपैलू मार्को यान्सन सर्वात मोठा हिरो ठरला. पहिल्या डावात फलंदाजीत ८७ धावांची महत्त्वपूर्ण खेळी साकारल्यानंतर त्याने चेंडूनेही कहर करत ऑस्ट्रेलियन फलंदाजांच्या दांड्या गुल केल्या. यान्सनने भेदक मारा करत ५ गडी बाद केले. पहिल्या डावात बॅकफूटवर फेकल्या गेलेल्या ऑस्ट्रेलियन संघाने दुसऱ्या डावात दिवसाचा खेळ संपेपर्यंत ४ बाद १५६ धावा केल्या असून, ते अजूनही १७० धावांनी पिछाडीवर आहेत.