India-Pakistan Tensions : ‘पाकिस्तान जास्त काळ दबाव सहन करु शकणार नाही…’, सौरव गांगुलीच मोठं वक्तव्य
Updated On:
Sourav Ganguly on IPL 2025 and India-Pakistan Tensions : भारत आणि पाकिस्तानमधील वाढत्या तणावामुळे बीसीसीआयला आयपीएल २०२५ स्पर्धा पुढे ढकलावी लागली. युद्धजन्य परिस्थितीमुळे पीबीकेएस विरुद्ध डीसी सामना रद्द करण्यात आला, त्यानंतर बोर्डाने लीग १ आठवड्यासाठी पुढे ढकलली आहे. बोर्ड पुढील काही दिवसांत परिस्थितीची पाहणी करेल आणि नंतर नवीन वेळापत्रक जाहीर करेल.
सध्या चाहत्यांच्या मनात फक्त एकच वर्ष आहे की बीसीसीआय आयपीएल २०२५ पूर्ण करू शकेल की नाही. या प्रश्नाचे उत्तर बीसीसीआयचे माजी अध्यक्ष सौरव गांगुलीने दिले आहे. सौरव गांगुलीचा असा विश्वास आहे की पाकिस्तान भारताच्या दबावाला जास्त काळ तोंड देऊ शकणार नाही आणि लवकरच आयपीएल २०२५ स्पर्धा पुन्हा सुरू होईल.
Former Indian skipper Sourav Ganguly is confident that the BCCI will complete the remainder of IPL 2025 🏆🇮🇳🗣️#IPL2025 #SouravGanguly #BCCI #India #Sportskeeda pic.twitter.com/rp181iY4tq
— Sportskeeda (@Sportskeeda) May 9, 2025
सौरव गांगुली काय म्हणाला?
एएनआयशी बोलताना सौरव गांगुली म्हणाला की, “देशात युद्धासारखी परिस्थिती आहे. त्यामुळे बीसीसीआय आयपीएल २०२५ स्पर्धा स्थगित करावी लागली. कारण तेथे बरेच भारतीय आणि परदेशी खेळाडू आहेत. स्पर्धेचा एक महत्त्वाचा टप्पा जवळ येत असल्याने आयपीएल लवकरच पुन्हा सुरू होईल, अशी आशा करूया.”
सौरव गांगुली पुढे म्हणाला, “बीसीसीआयला हे करावे लागले. कारण विशेषतः धर्मशाळा, चंदीगड, दिल्ली, राजस्थान, जयपूर. ही सर्व आयपीएल स्थळे आहेत. काल रात्री घडलेल्या परिस्थितीनुसार हे करणे आवश्यक आहे. कालांतराने परिस्थिती सुधारेल आणि सामने देखील खेळवले जातील. बीसीसीआय आयपीएल पूर्ण करेल आणि ही परिस्थिती लवकरच संपेल कारण पाकिस्तान जास्त काळ दबाव सहन करू शकणार नाही.”
