Smriti Mandhana Appointed Indian Women Cricket Team Captain Replacing Harmanpreet Kaur : भारतीय महिला क्रिकेट संघात अत्यंत मोठा आणि ऐतिहासिक बदल झाला आहे. हरमनप्रीत कौरने कर्णधारपदाचा राजीनामा दिल्यानंतर स्टार सलामीवीर स्मृती मानधनाकडे (Smriti Mandhana) भारतीय महिला क्रिकेट संघाचे कर्णधारपद अधिकृतपणे सोपवण्यात आले आहे. गुवाहाटी येथे झालेल्या उच्चस्तरीय बैठकीत बीसीसीआयने हा महत्त्वपूर्ण निर्णय घेतला. दीर्घकाळापासून उपकर्णधारपदाची धुरा सांभाळणाऱ्या मानधनाकडे सध्या एकदिवसीय (ODI) आणि आंतरराष्ट्रीय टी-२० (T20I) फॉरमॅटचे नेतृत्व सोपवण्यात आले आहे.

आरसीबीला दोनदा चॅम्पियन बनवले; नेतृत्वाचा दांडगा अनुभव!

स्मृती मानधनाने महिला प्रीमियर लीगमध्ये (WPL) रॉयल चॅलेंजर्स बंगळुरूला (RCB) २०२४ आणि २०२६ अशा दोन मोसमांत चॅम्पियन बनवून आपल्या नेतृत्वक्षमतेचा दाखला दिला होता. २०१३ पासून आंतरराष्ट्रीय क्रिकेट खेळणाऱ्या स्मृतीने यापूर्वीही हरमनप्रीतच्या अनुपस्थितीत १८ आंतरराष्ट्रीय टी-२० आणि ४ एकदिवसीय सामन्यांत भारताचे यशस्वी नेतृत्व केले आहे. त्यामुळे मोठ्या स्पर्धा हाताळण्याचा तिच्याकडे दांडगा अनुभव आहे.

“स्मृतीच्या क्षमतेवर पूर्ण विश्वास”; बीसीसीआय अध्यक्षांकडून कौतुक!

From leading the Royal Challengers to now leading a billion dreams. 👸🇮🇳❤️‍🔥

Our skipper. India’s skipper. Captain SM1️⃣8️⃣. 🥹❤️

#PlayBold #ನಮ್ಮRCB | Smriti Mandhana https://t.co/pwg9fdos5g

— Royal Challengers Bengaluru (@RCBTweets) October 6, 2026

बीसीसीआयचे अध्यक्ष मिथुन मन्हास यांनी स्मृतीच्या नियुक्तीवर आनंद व्यक्त करत म्हटले की, “स्मृती बऱ्याच वर्षांपासून भारतीय संघाचा कणा राहिली आहे. तिने मैदानावर सातत्याने नेतृत्वगुण सिद्ध केले आहेत. बीसीसीआयला तिच्या क्षमतेवर पूर्ण विश्वास असून, ती ही जबाबदारी अत्यंत व्यावसायिक वृत्तीने पार पाडेल.”

सचिव देवजीत सैकिया यांनी मानले आभार; महत्त्वाच्या टप्प्यावर संधी!

A dawn of a new era ✨

Smriti Mandhana takes charge as the Captain of the Indian Women’s cricket team 🇮🇳

Go well, Captain 🫡

More details ▶️ https://t.co/tbLb4jOiCn

#TeamIndia | @mandhana_smriti https://t.co/27AxmrUhKt

— BCCI (@BCCI) October 6, 2026

बीसीसीआय सचिव देवजीत सैकिया यांनी सांगितले की, स्मृती भारतीय क्रिकेटमधील सर्वात अनुभवी खेळाडूंपैकी एक असून ती देशाचे प्रतिनिधित्व करण्याचे महत्त्व उत्तमरीत्या जाणते. आगामी महिला विश्वचषक आणि २०२८ च्या ऑलिम्पिकच्या पार्श्वभूमीवर स्मृतीकडे ही धुरा येणे भारतीय क्रिकेटच्या दृष्टीने अत्यंत आशादायक ठरेल, असा विश्वास त्यांनी व्यक्त केला.

हेही वाचा – India Squad Announce : न्यूझीलंड दौऱ्यासाठी भारताचा टी-२० संघ जाहीर! ‘या’ स्टार खेळाडूचे तब्बल ४ वर्षांनी टीम इंडियात कमबॅक

“माझं सर्वोत्तम देण्याचा प्रयत्न करेन”; कर्णधार होताच स्मृतीची प्रतिक्रिया!

Honoured. Grateful. Ready. 💙

@mandhana_smriti reflects on the immense pride of becoming #TeamIndia Captain and carrying the legacy forward 🫡🇮🇳 https://t.co/qFooagUeJr

— BCCI Women (@BCCIWomen) October 6, 2026

कर्णधारपदी निवड झाल्यानंतर स्मृती मानधना म्हणाली, “देशाचे नेतृत्व करणे ही माझ्यासाठी अत्यंत सन्मानाची बाब आहे. माझ्यावर विश्वास दाखवल्याबद्दल मी बीसीसीआय, निवडकर्ते, सर्व सहकारी आणि चाहत्यांची आभारी आहे. या नव्या भूमिकेत मी माझे १०० टक्के देण्याचा प्रयत्न करेन.”