Shimron Hetmyer Controversial Run Out Shreyas Iyer Century India Win in IND vs WI 1st T20I : आशियाई क्रीडा स्पर्धेत सुवर्णपदक पटकावल्यानंतर मायदेशी परतलेल्या भारतीय क्रिकेट संघाने विजयाचा धडाका कायम ठेवला आहे. भारत आणि वेस्ट इंडिज दरम्यानच्या पाच सामन्यांच्या टी-२० मालिकेतील पहिला सामना लखनौच्या स्टेडियमवर पार पडला. या सामन्यात कर्णधार श्रेयसच्या शतकाच्या जोरावर भारतीय संघाने हा सामना ८ गडी राखून सहज जिंकला. मात्र, सामन्यादरम्यान वेस्ट इंडिजचा स्फोटक फलंदाज शिमरन हेटमायरच्या वादग्रस्त धावबादवरून मैदानावर प्रचंड ड्रामा आणि वाद रंगल्याचे पाहायला मिळाले.

पहिल्याच चेंडूवर चौकार, दुसऱ्यावर चेंडूवर मोठा ड्रामा –

वेस्ट इंडिजची सलामी जोडी फुटल्यानंतर मैदानात उतरलेल्या हेटमायरने पहिल्याच चेंडूवर चौकार खेचून आक्रमक सुरुवात केली होती. मात्र, पॉवरप्लेच्या शेवटच्या षटकात अक्षर पटेलच्या चेंडूवर शाई होपने धाव घेण्याचा कॉल दिला. अक्षरच्या हातून निसटलेला चेंडू श्रेयस अय्यरने अत्यंत चपळाईने उचलून यष्टिरक्षक संजू सॅमसनकडे भिरकावला. संजूने क्षणाचाही विलंब न लावता बेल्स उडवल्या.

डीआरएसमध्ये उलगडले सत्य; मैदानात हेटमायरचा पंचांशी वाद!

Shimron Hetmyer dives, but his bat stays in the air! 😱

A hesitant single, a quick throw from Shreyas Iyer, & a huge breakthrough for #TeamIndia! 💪

#INDvWI 1st T20I | LIVE NOW 👉 https://t.co/LkBxXaliQ5 https://t.co/uIZ7gZAjLe

— Star Sports (@StarSportsIndia) October 6, 2026

धाव पूर्ण करण्यासाठी हेटमायरने पूर्ण ताकदीने डाईव्ह मारली होती आणि त्याला वाटले की तो सुरक्षित आहे. परंतु, थर्ड अंपायरने डीआरएसमध्ये तपासले असता, हेटमायरची बॅट क्रीजच्या आत पोहोचली असली तरी तिचा जमिनीशी संपर्क तुटला होता आणि ती हवेत होती. नियमांनुसार पंचांनी त्याला बाद घोषित केले. या निर्णयावर हेटमायरने पंचांशी जोरदार वाद घातला; मात्र अखेर त्याला नाराज होऊन पॅव्हेलियनमध्ये परतावे लागले.

श्रेयस अय्यरचे ४२ चेंडूंत वादळी शतक; विंडीजचा ८ विकेट्सने धुव्वा!

𝗦𝗰𝗶𝗻𝘁𝗶𝗹𝗹𝗮𝘁𝗶𝗻𝗴. 𝗦𝗽𝗲𝗰𝗶𝗮𝗹. 𝗦𝗵𝗿𝗲𝘆𝗮𝘀 🫡✨

#TeamIndia’s Captain is the Player of the Match for his superb display in the chase 🔝

Relive his knock ▶️ https://t.co/BLk6KHfrSd

#INDvWI | @mflone_ | @ShreyasIyer15 https://t.co/iBCBwfHrZq

— BCCI (@BCCI) October 6, 2026

या हाय-व्होल्टेज ड्राम्यानंतर वेस्ट इंडिजचा संघ १७१ धावांवर सर्वबाद झाला. प्रत्युत्तरात कर्णधार श्रेयस अय्यरने अवघ्या ४२ चेंडूंत वेस्ट इंडिजविरुद्धचे सर्वात वेगवान शतक ठोकून लखनौचे मैदान डोक्यावर घेतले. अय्यरने १० चौकार आणि ६ षटकारांसह नाबाद १०२ धावांची आतषबाजी केली, तर इशान किशनने नाबाद ३७ धावांची साथ देत भारताला १५ व्या षटकातच विजय मिळवून दिला.

हेही वाचा – Shreyas Iyer Century : लखनौमध्ये कर्णधार श्रेयस अय्यरचे विक्रमी शतक! भारताचा वेस्ट इंडिजवर ८ विकेट्सने दणदणीत विजय

मालिकेत १-० ची आघाडी; वादग्रस्त विकेटचा व्हिडिओ तुफान व्हायरल!

🚨 SHIMRON HETMYER ANGRY AT UMPIRE NITIN MENON AFTER RUN-OUT DECISION 🚨

Shimron Hetmyer was run out off Axar Patel’s delivery by Sanju Samson. The replays showed that Hetmyer had made a dive, but the third umpire still ruled him OUT.

After the decision, Hetmyer was visibly angry and went over to speak with umpire Nitin Menon. However, the decision was not changed, leaving Hetmyer frustrated.

What do you think — was Hetmyer OUT, or was the umpire’s decision wrong?

— Central Cricket (@arshdeep3444) October 6, 2026

लखनौमधील या एकतर्फी विजयासह भारतीय संघाने ५ सामन्यांच्या मालिकेत १-० अशी आघाडी घेतली आहे. दरम्यान, हेटमायरच्या त्या विचित्र आणि वादग्रस्त रनआऊटचा व्हिडीओ सध्या सोशल मीडियावर तुफान व्हायरल झाला असून क्रिकेटविश्वात नियमांवरून पुन्हा चर्चा सुरू झाली आहे.