Sillod Assembly Election 2024 | माझ्यात मुख्यमंत्री बदलण्याची ताकद आहे, असं वादग्रस्त दावा शिंदे गटाचे आमदार अब्दुल सत्तार यांनी दोन दिवसांपूर्वीच केला होता. त्यानंतर आता सत्तार यांनी पुन्हा, मला मुख्यमंत्री बदलण्याचा अनुभव आहे. एकनाथ शिंदे यांना मी मुख्यमंत्री केले, असे वक्तव्य केले आहे. सत्तार यांनी हे विधान भाजप नेते रावसाहेब दानवे आणि उद्धव ठाकरे यांच्यावर टीका करताना केले. पण आता त्याची राज्यभर चर्चा होत आहे.

विधानसभा निवडणुकीच्या अनुषंगाने अब्दुल सत्तार सिल्लोड मतदारसंघ पिंजून काढत आहेत. मतदारसंघातील एका गावात सभेत बोलताना सत्तार सिल्लोडमधील उद्धव ठाकरे यांची सभा शिवसेनेची आहे की भाजपची हे कळत नाही, असा टोलाही लगावला.

हिंदुत्ववादी मुख्यमंत्री केला एमआयएमचा नाही

सध्या भाजपचे लोक खडखड करत आहेत, पण आमच्यात मुख्यमंत्री बदलण्याची ताकद आहे. मी गुवाहाटीला गेलो, बिर्याणी खाल्ली आणि मुख्यमंत्री बदलला. मी एका शेतकऱ्याच्या मुलाला हिंदुत्ववादी असलेल्या एकनाथ शिंदे यांनाच मुख्यमंत्री केले, एमआयएमचा मुख्यमंत्री केला नाही, असे ते म्हणाले.

Pune : काॅमन मॅन नव्हे सुपरमॅन..! जीवाची पर्वा न करता आगीत अडकलेल्या दोन चिमुकल्यांची नागरिकाने ‘अशी’ केली सुटका; हडपसरमधील घटनेचा थरारक Video आला समोर..

मला मुख्यमंत्री बदलण्याचा अनुभव आहे. आम्ही बंड केले नसते तर भाजपची सत्ता आली असती का? असा सवाल करत पुढेही एकनाथ शिंदे हेच मुख्यमंत्री होणार, असा दावा अब्दुल सत्तार यांनी केला.