Shubman Gill Injury : कसोटी मालिकेपूर्वी टीम इंडियाची चिंता वाढली! कर्णधार शुबमन गिलला दुखापत, ‘या’ खेळाडूकडे सोपवली धुरा
Shubman Gill Injury : भारताचा नियमित कर्णधार शुबमन गिल बोटाच्या दुखापतीमुळे या सराव सामन्याच्या पहिल्या दिवशी मैदानात उतरू शकलेला नाही.
Shubman Gill Injury Warm Up Match IND vs SL KL Rahul Captain : भारत आणि श्रीलंका यांच्यातील २ सामन्यांच्या कसोटी मालिकेला १५ ऑगस्टपासून सुरुवात होत आहे. या मालिकेपूर्वी भारतीय संघ ७ ऑगस्टपासून ‘श्रीलंका इलेव्हन’विरुद्ध तीन दिवसीय सराव सामना खेळत आहे. मात्र, या वॉर्म-अप सामन्याच्या पहिल्याच दिवशी भारतीय संघाला मोठा धक्का बसला आहे. भारताचा नियमित कर्णधार शुबमन गिल (Shubman Gill) बोटाच्या दुखापतीमुळे या सराव सामन्याच्या पहिल्या दिवशी मैदानात उतरू शकलेला नाही. त्याच्या अनुपस्थितीत अनुभवी यष्टीरक्षक-फलंदाज के. एल. राहुल (KL Rahul) याच्याकडे कर्णधारपदाची जबाबदारी सोपवण्यात आली आहे.
बीसीसीआयने दिली गिलच्या दुखापतीची अपडेट! (Shubman Gill Injury)
बीसीसीआयने (BCCI) शुबमन गिलच्या दुखापतीबाबत अधिकृत माहिती दिली आहे. बीसीसीआयने दिलेल्या माहितीनुसार, गुरुवारी सराव सत्रादरम्यान शुबमन गिलच्या उजव्या हाताच्या अनामिका (रिंग फिंगर) बोटाला चेंडू लागून दुखापत झाली. खबरदारीचा उपाय म्हणून वैद्यकीय पथकाने त्याला सराव सामन्याच्या पहिल्या दिवशी विश्रांती घेण्याचा सल्ला दिला आहे. बीसीसीआयचे वैद्यकीय पथक त्याच्या दुखापतीवर बारकाईने लक्ष ठेवून आहे. आता गिल सामन्याच्या दुसऱ्या दिवशी फलंदाजीसाठी मैदानात उतरतो की नाही, याकडे सर्वांचे लक्ष लागले आहे.
दुखापतींच्या सत्राने वाढवले टीम इंडियाचे टेन्शन – (Shubman Gill Injury)
Update: Captain Shubman Gill sustained an impact injury to his right ring finger during India’s practice on Thursday. As a precautionary measure, he will not take the field on Day 1 of the warm-up game against SLC XI. The BCCI Medical Team is monitoring his progress.
KL Rahul… https://t.co/Mzu2yW4OgX
— BCCI (@BCCI) August 7, 2026
श्रीलंका मालिकेपूर्वी भारतीय खेळाडूंच्या दुखापतींनी संघ व्यवस्थापनाची झोप उडवली आहे. भारताचा मुख्य वेगवान गोलंदाज जसप्रीत बुमराह दुखापतीमुळे आधीच या कसोटी मालिकेतून बाहेर झाला आहे. याशिवाय वॉशिंग्टन सुंदर, हर्षित राणा आणि नितीश कुमार रेड्डी हेदेखील दुखापतींमुळे संपूर्ण मालिकेला मुकणार आहेत, तर साई सुदर्शन बंगळुरू येथील सेंटर ऑफ एक्सेलंन्समध्ये रिहॅब पूर्ण करत आहे. (Shubman Gill Injury)
सराव सामन्याबद्दल बोलायचे तर श्रीलंक इलेव्हनने प्रथम फलंदाजी करताना ६७ षटकानंतर ५ बाद २६४ धावा केल्या आहेत. निशान मदुष्काने ६६ आणि रविंदू रसंथाने ७१ धावांचे योगदान दिले. भारताकडून गुरनूर ब्रार, रवींद्र जडेजा, मानव सुथार आणि कुलदीप यादव यांनी प्रत्येकी एक विकेट्स घेतली आहे.
