Virat Kohli Diet Secrets Fitness Transformation Weight Loss Chiku To King Kohli Calorie Count Rules : क्रिकेटच्या मैदानावर विक्रमांचा डोंगर रचणारा भारतीय क्रिकेट संघाचा स्टार फलंदाज विराट कोहली (Virat Kohli) केवळ जगातील सर्वोत्तम फलंदाज नाही, तर तो आज जागतिक स्तरावर फिटनेसचे एक मोठे प्रतीक बनला आहे. जगातील लाखो तरुण खेळाडू आणि चाहते त्याच्या उत्कृष्ट खेळासोबतच त्याच्या अत्यंत शिस्तबद्ध जीवनशैलीचे आणि फिटनेसचे अनुसरण करतात.

मात्र, एक काळ असा होता की विराटचे वजन थोडे जास्त असल्यामुळे मैदानावर आणि मित्रमंडळींमध्ये त्याला प्रेमाने ‘चीकू’ म्हटले जायचे. २०११ च्या विश्वचषकानंतर विराटने आपल्या आहारात आणि दैनंदिन दिनचर्येत जे क्रांतिकारी बदल केले, त्यामुळे त्याचे अद्भूत फिटनेस ट्रान्सफॉर्मेशन (Fitness Transformation) संपूर्ण जगाला थक्क करणारे ठरले.

१. “सहा महिने सलग एकच अन्न खाऊ शकतो!”

विराटच्या मते, फिटनेसच्या प्रवासात सर्वात महत्त्वाची गोष्ट म्हणजे सातत्य आणि आत्मनियंत्रण. आपल्या आहाराबद्दल बोलताना विराटने सांगितले, “मी सलग सहा महिने दिवसातून तीन वेळा अगदी एकच पदार्थ खाऊ शकतो, मला त्याचा अजिबात कंटाळा येत नाही.” यावरून चवीपेक्षा आपल्या फिटनेस ध्येयाला प्राधान्य देण्याची त्याची कमालीची शिस्त दिसून येते.

२. चवीपेक्षा शरीराच्या पोषणाला प्राधान्य; ९०% उकडलेले अन्न –

विराटच्या दैनंदिन आहारात सुमारे ९० टक्के अन्न हे वाफवलेले (Steamed) किंवा उकडलेले (Boiled) असते. त्याच्या जेवणात जास्त तिखट-मसाले नसतात; त्यात फक्त मीठ, मिरी आणि लिंबाचा वापर केला जातो. सॅलड, पॅन-ग्रिल्ड भाज्या आणि ऑलिव्ह ऑइलमध्ये बनवलेले हलके अन्न तो पसंत करतो. तसेच मूळचा पंजाबी असल्याने डाळ आणि राजमा हे पदार्थही तो आवडीने खातो.

हेही वाचा – Shamishka Abacus Medal : जपानमध्ये दौंडच्या शमिष्काचा डंका! आंतरराष्ट्रीय ॲबॅकस स्पर्धेत पटकावले रौप्य पदक

३. ‘९५ टक्के’ शिस्त अन् कॅलरीचे पक्के गणित –

आहारावर नियंत्रण ठेवण्याविषयी सांगताना विराट म्हणाला, “मी ९५ टक्के वेळा काय खातोय आणि त्याचा माझ्या शरीरावर काय परिणाम होणार आहे, याची मला पूर्ण कल्पना असते. उरलेल्या ५ टक्के वेळा तुम्ही आवडीचे खाऊ शकता.” याशिवाय तो आपल्या कॅलरी काउंटबाबत (Calorie Count) अत्यंत जागरूक असतो. योग्य प्रमाणात आणि मोजून-मापून खाल्ल्यामुळेच त्याची बॉडी नेहमी ‘पीक कंडिशन’मध्ये (Peak Condition) राहते. थोडक्यात, कोणतीही जादुई डाएट टिकत नसून कडक शिस्त, योग्य आहार नियंत्रण आणि सातत्य हाच विराटच्या अद्भूत फिटनेसचा खरा मंत्र आहे.