India Beat Japan : भारतीय हॉकी संघाचा ऐतिहासिक विजय! जपानचा धुव्वा उडवत सहाव्यांदा आशियाई चॅम्पियन्स ट्रॉफीवर कोरलं नाव
India Beat Japan : भारतीय संघाने विक्रमी सहाव्यांदा विजेतेपद पटकावले आहे. तीन वेळा विजेतेपद जिंकून पाकिस्तान या स्पर्धेतील दुसरा सर्वात यशस्वी संघ आहे. भारताने यावेळी अपराजित राहून विजेतेपद पटकावले.
India Beat Japan Record Sixth Title Asian Champions Trophy 2026 : आशियाई चॅम्पियन्स ट्रॉफी हॉकी २०२६ च्या थरारक अंतिम फेरीत भारतीय हॉकी संघाने जपानचा ४-१ असा धुव्वा उडवत विक्रमी सहाव्यांदा या प्रतिष्ठेच्या जेतेपदावर नाव कोरले आहे. सामन्याच्या सुरुवातीलाच गोल खाल्ल्यानंतर भारतीय संघ बॅकफूटवर गेला होता. मध्यंतरापर्यंत जपानने १-० अशी आघाडी टिकवून भारतावर प्रचंड दबाव निर्माण केला होता. मात्र, तिसऱ्या आणि चौथ्या क्वार्टरमध्ये भारतीय खेळाडूंनी आक्रमक पलटवार करत सामन्याचा पूर्ण रोख बदलला आणि गतविजेत्याच्या थाटात आपल्या जेतेपदाचा यशस्वी बचाव केला.
तिसऱ्या मिनिटाला धक्का, पहिल्या क्वार्टरमध्ये रिव्ह्यूही गमावला
अंतिम लढतीला सुरुवात होताच अवघ्या तिसऱ्या मिनिटाला जपानच्या काझुमासा मात्सुमोतोने शानदार मैदानी गोल करत जपानला १-० अशी महत्त्वपूर्ण आघाडी मिळवून दिली. या धक्क्यातून सावरण्याआधीच भारताने पहिल्याच क्वार्टरमध्ये आपला एकमेव रिव्ह्यू गमावला. त्यामुळे उर्वरित तीनही क्वार्टर भारतीय संघाला कोणत्याही रिव्ह्यूशिवाय खेळावे लागले. ज्या फाऊलवर भारताने रिव्ह्यू गमावला होता, तशाच प्रकारच्या फाऊलवर जपानला पेनल्टी कॉर्नर मिळाला; मात्र भारतीय बचावफळीने जपानची ही मोठी संधी शिताफीने हाणून पाडली.
शिलानंदने केली बरोबरी; शेवटच्या ७ मिनिटांत ३ गोल –
BACK-TO-BACK CHAMPIONS! INDIA DEFEND THEIR CROWN! 🇮🇳🏆
Team India are crowned champions of the Hero Asian Champions Trophy Punjab 2026 after a commanding 4-1 victory over Japan in the Final! The defending champions deliver when it matters most to retain their title on home soil! Their record-extending 6th ACT title!
#HockeyIsBack #HACT2026 #SatSriAkalAsia #IndiaKaGame
— Hockey India (@TheHockeyIndia) November 5, 2026
जपानची १-० अशी आघाडी तब्बल ४२ व्या मिनिटापर्यंत कायम राहिली होती. तिसऱ्या क्वार्टरच्या अखेरीस, ४२ व्या मिनिटाला भारताच्या शिलानंद लाखराने अप्रतिम गोल करत भारताला १-१ अशी बरोबरी साधून दिली. यानंतर चौथ्या क्वार्टरमध्ये भारतीय संघाने चक्रीवादळासारखे आक्रमण चढवले. भारताने अवघ्या ७ मिनिटांच्या अंतरात सलग तीन गोल डागले. दिलप्रीत सिंगने ४८ व्या, जुगराज सिंगने ५३ व्या आणि विवेक सागर प्रसादने ५४ व्या मिनिटाला गोल करत जपानचे मनोधैर्य पूर्णपणे खचवून भारताचा ४-१ ने दणदणीत विजय निश्चित केला.
स्पर्धेत अजेय घोडदौड; ४६ गोल डागून गाठले शिखर –
Shri Bhola Nath Singh, Vice President, Asian Hockey Federation and Secretary General, Hockey India, meets and congratulates the Indian team after their 4-1 victory over Japan in the Final of the Hero Asian Champions Trophy Punjab 2026. ❤️🏑
A special moment as the defending champions celebrate retaining their crown on home soil! 🙌
#HockeyIsBack #HACT2026 #SatSriAkalAsia #IndiaKaGame
— Hockey India (@TheHockeyIndia) November 5, 2026
संपूर्ण स्पर्धेत भारतीय संघाचा दबदबा पाहायला मिळाला. भारताने खेळलेले सर्वच्या सर्व ७ सामने जिंकून अजेय राहण्याचा पराक्रम केला. या मोहिमेत भारताने तब्बल ४६ गोल डागले, तर प्रतिस्पर्धी संघांना केवळ ७ चेंडूच भारतीय जाळ्यात पोहोचवता आले. उपांत्य फेरीत भारताने दक्षिण कोरियाचा ८-१ असा एकतर्फी धुव्वा उडवला होता. उल्लेखनीय म्हणजे, भारतीय संघाने आतापर्यंत या स्पर्धेच्या अंतिम फेरीत ७ वेळा धडक मारली असून, त्यापैकी ६ वेळा विजेतेपद पटकावण्याचा अनोखा विक्रम केला आहे.
भारताचा चॅम्पियन्स ट्रॉफीमधील ऐतिहासिक प्रवास –
CHAMPIONS IN ACTION! 🇮🇳🏆
A title-winning performance on home soil! Team India take down Japan 4-1 in the Final of the Hero Asian Champions Trophy Punjab 2026 to successfully defend their crown in Mohali in front of a packed house! 🔥🏑
#HockeyIsBack #HACT2026 #SatSriAkalAsia #IndiaKaGame
— Hockey India (@TheHockeyIndia) November 5, 2026
भारताने यापूर्वी २०११ (पाकिस्तानविरुद्ध शूटआऊट ४-२), २०१६ (पाकिस्तानविरुद्ध ३-२), २०१८ (पाकिस्तानसोबत संयुक्त विजेते), २०२३ (मलेशियाविरुद्ध ४-३) आणि २०२४ (चीनविरुद्ध १-०) मध्ये ही स्पर्धा जिंकली होती. आता २०२६ मध्ये जपानला ४-१ ने नमवून भारताने सहावे जेतेपद पटकावले आहे. आशियाई क्रीडा स्पर्धेत सुवर्णपदक पटकावणाऱ्या भारतीय संघाने पुन्हा एकदा आपणच आशियातील हॉकीचे सम्राट असल्याचे सिद्ध केले आहे.
