Shubhanshu Shukla:  भारतीय अंतराळवीर ग्रुप कॅप्टन शुभांशु शुक्ला यांनी मंगळवारी, 15 जुलै 2025 रोजी अंतरराष्ट्रीय अंतराळ स्थानकावर (ISS) 18 दिवस घालवल्यानंतर पृथ्वीवर यशस्वी पोहोचले. स्पेसएक्सच्या ड्रॅगन ‘ग्रेस’ कॅप्सूलमधून ते आणि त्यांचे तीन आंतरराष्ट्रीय सहकारी कॅलिफोर्नियाच्या किनाऱ्यालगत प्रशांत महासागरात सुरक्षितपणे उतरले. कॅप्सूलमधून बाहेर पडताना शुक्ला यांच्या चेहऱ्यावरील हास्य आणि हातातील तिरंग्याने देशभरात अभिमान आणि उत्साहाची लाट उसळली.

बाहेर पडण्याचा ऐतिहासिक क्षण –

लँडिंगनंतर रिकव्हरी टीमने कॅप्सूल विशेष जहाजावर आणले. वैद्यकीय तपासणीनंतर कॅप्सूलचा दरवाजा उघडला गेला आणि एक-एक करत अंतराळवीर बाहेर आले. स्पेससूटमधील शुभांशु शुक्ला यांनी हसतमुखाने बाहेर पाऊल ठेवले, हा क्षण संपूर्ण देशासाठी गौरवाचा ठरला.

🚨 JUST LANDED! | Ax-4 crew, including 🇮🇳 Gp. Capt. Shubhanshu Shukla, safely assisted out of SpaceX Dragon after 18 days aboard the ISS

–@Axiom_Space / YouTube https://t.co/Vt5WnQbKWi pic.twitter.com/smMnbN3oi5

— Info Room (@InfoR00M) July 15, 2025

पंतप्रधानांकडून अभिनंदन –
पंतप्रधान नरेंद्र मोदी यांनी शुक्ला यांच्या ऐतिहासिक यशस्वी मोहिमेबद्दल देशाच्या वतीने अभिनंदन केले. सोशल मीडिया मंच ‘एक्स’वर त्यांनी लिहिले, “शुभांशु शुक्ला यांच्या समर्पण, धैर्य आणि संशोधनाच्या भावनेने करोडो भारतीयांना प्रेरणा दिली आहे. ही उपलब्धी ‘गगनयान’ कार्यक्रमाच्या दिशेने महत्त्वाचे पाऊल आहे.”

7 दिवस डाॅक्टरांच्या देखरेखीखाली ठेवणार –
कॅप्सूलमधून बाहेर पडल्यानंतर शुभांशु आणि त्यांच्या सहकाऱ्यांना हेलिकॉप्टरद्वारे सॅन डिएगो किनाऱ्यावरील पुनर्वास केंद्रात नेण्यात आले. तिथे ते सात दिवस डॉक्टरांच्या देखरेखीखाली पृथ्वीच्या गुरुत्वाकर्षणाशी जुळवून घेतील. अंतराळातील दीर्घ मुक्कामामुळे हाडे, स्नायू आणि संतुलन प्रणालीला पुन्हा अनुकूलन आवश्यक आहे. तज्ज्ञांची टीम त्यांच्या आरोग्याची सतत निगरानी करत आहे.

मोहीम यशस्वी –
अ‍ॅक्सिऑम-4 मोहिमेअंतर्गत शुक्ला आणि त्यांचे सहकारी मंगळवारी पृथ्वीवर परतले. स्पेसएक्स ड्र OtisSystem: रॅगन ‘ग्रेस’ यान दक्षिण कॅलिफोर्नियाच्या किनाऱ्यावरील प्रशांत महासागरात यशस्वीपणे उतरले. ही मोहीम भारताच्या अंतराळ संशोधनातील एक ऐतिहासिक टप्पा ठरली आहे.