Shubhanshu Shukla : देशाच्या प्रजासत्ताक दिनी ग्रुप कॅप्टन शुभांशू शुक्ला यांना अशोक चक्राने सन्मानित करण्यात आले. भारतामध्ये देशाचे नाव उंचावणारे अनेक यशस्वी खेळाडू आहेत, परंतु शुभांशू शुक्ला यांचे यशस्वी उड्डाण चर्चेचा विषय बनले आहे.

शुभांशू शुक्ला (Shubhanshu Shukla) यांना काल अशोक चक्राने सन्मानित करण्यात आले. २०२६ च्या प्रजासत्ताक दिनाच्या पूर्वसंध्येला राष्ट्रपती द्रौपदी मुर्मू यांनी या शूर भारतीय हवाई दल अधिकारी-अंतराळवीर यांना अशोक चक्राने सन्मानित करण्याची घोषणा करण्यात आली होती. यासह, शुभांशू भारताचा सर्वात प्रतिष्ठित शांतताकालीन अशोक चक्र  पुरस्कार मिळवणारे पहिले अंतराळवीर बनले.

राकेश शर्मा यांच्या उड्डाणानंतर ४१ वर्षांचे अंतर भरून काढणारा शुभांशु शुक्ला यांचा  प्रवास लाखो लोकांसाठी प्रेरणादायी आहे. हा सन्मान केवळ कौशल्यच नाही तर कक्षेत मानवी मर्यादा ओलांडण्यासाठी आवश्यक असलेल्या धैर्याची देखील ओळख देतो.

लखनऊ ते अवकाश असा प्रवास… Shubhanshu Shukla :

लखनऊमध्ये जन्मलेल्या ग्रुप कॅप्टन शुभांशू शुक्ला (Shubhanshu Shukla )यांनी वयाच्या १७ व्या वर्षी कारकिर्दीला सुरुवात केली. कारगिल युद्ध आणि आयएएफ एअर शोने प्रेरित होऊन त्यांनी पालकांना न सांगता मित्राच्या फॉर्मचा वापर करून राष्ट्रीय संरक्षण अकादमीमध्ये अर्ज केला.

२००६ मध्ये, शुभांशू शुक्ला आयएएफमध्ये फायटर पायलट म्हणून सामील झाले आणि त्यांनी एसयू-३०एमकेआय, मिग-२१, मिग-२९, जग्वार आणि हॉक सारख्या जेट विमानांवर २००० तासांहून अधिक उड्डाण केले. त्यानंतर, शुभांशू एक चाचणी पायलट आणि लढाऊ लीडर बनले . आयआयएससी, बेंगळुरू येथून एरोस्पेस अभियांत्रिकीमध्ये पदव्युत्तर पदवी मिळवली.

२०१९ मध्ये, इस्रोने त्यांची गगनयानसाठी निवड केली, त्यानंतर त्यांनी रशियातील युरी गागारिन सेंटरमध्ये प्रशिक्षण घेतले. त्यांनी नासा आणि इस्रोसोबतच्या सत्रांमध्येही भाग घेतला. या कार्यक्रमासाठी चार अंतिम स्पर्धकांपैकी त्यांची निवड झाली.

हेही वाचा : Actor Dharmendra: अभिनेते धर्मेंद्र यांना मरणोत्तर पद्म विभूषण जाहीर; चित्रपटसृष्टीतील योगदानाची सर्वोच्च दखल