Ozar News : जुन्नर तालुक्यातील श्री विघ्नहर सहकारी साखर कारखान्याचा ४१ व्या गळीत हंगामाचा शुभारंभ शिरूर लोकसभा मतदारसंघाचे खासदार अमोल कोल्हे यांचे शुभहस्ते व आमदार शरददादा सोनवणे यांचे अध्यक्षतेखाली तसेच माजी आमदार दिलीपराव ढमढेरे, माजी आमदार अतुलशेठ बेनके, कृषी उत्पन्न बाजार समितीचे सभापती संजय काळे, आजी/माजी जिल्हा परिषद सदस्य व जुन्नर आंबेगांव तालुक्यातील विविध संस्थांचे पदाधिकारी, सभासद बंधु, ऊस उत्पादक शेतकरी, पत्रकार यांचे उपस्थितीत बुधवार ७ ऑक्टोबर रोजी उत्साहात संपन्न झाला. (Ozar News)

उपस्थितीतांचे विघ्नहर परिवारातर्फे कार्यकारी संचालक भास्कर घुले यांनी स्वागत केले. तसेच कारखान्याचे आधुनिकीकरण व विस्तारीकरण कामाबाबत सविस्तर माहिती दिली. (Ozar News)

यावेळी बोलताना सत्यशिल शेरकर म्हणाले की, या गळीत हंगामामध्ये आपण प्रतीदिनी ८ हजार पाचशे मे. टनाच्या पुढे गाळप करणार असल्याने ऊसाची तोडणी वेळेवर होणार आहे. तरी कार्यक्षेत्रातील संपूर्ण ऊस विघ्नहरला गाळपास द्यावा. (Ozar News)

केंद्र सरकारने शेतकऱ्यांसाठी FRP मध्ये वाढ केली आहे. परंतू केंद्रसरकारने साखरेच्या MSP मध्ये मागील ७ वर्षापासून कोणत्याही प्रकारची वाढ केली नाही. इथेनॉल चे दरामध्ये वाढ केली नाही, को-जन मधील उत्पादीत वीज युनिटची किंमत कमी केली आहे. (Ozar News)

त्यामुळे कारखान्यांना FRP देणेसाठी आर्थिक तान सहन करावा लागत आहे. स्पर्धेत टिकून राहणेसाठी आर्थिक उपलब्धता करुन शेतकऱ्यांना भाव द्यावा लागत आहे. यासाठी केंद्र सरकारने साखरेची MSP व इथेनॉल दरामध्ये भरीव वाढ करणे गरजेचे आहे. (Ozar News)

कारखान्याने आधुनिकीकरण व विस्तारीकरण कामासाठी बँकाकडून कर्ज घेतले आहे. त्यामुळे या गळीत हंगामात जास्तीत जास्त ऊसाचे उत्पादन घेवून विघ्नहर कारखान्यास गाळपासाठी ऊसाचा पुरवठा करावा. म्हणजे येत्या २ ते ३ वर्षात संपूर्ण कर्जाची परतफेड करणे शक्य होईल असे सत्यशिल शेरकर म्हणाले. (Ozar News)

गळीत हंगाम २०२५- २६ मध्ये गाळपास आलेल्या ऊसास कारखाना शेतकऱ्यांची दिपावली गोड करणार आहे. तसेच कामगारांना १० टक्के प्रमाणे आलेले वेतन वाढ लागू केलेली आहे. तसेच कामगारांना दिपावली पुर्वी बोनस व इ.देय रक्कम अदा करणार आहोत, असे सत्यशिल शेरकर म्हणाले. (Ozar News)

गळीत हंगाम २०२६-२७ करीता कारखाना कार्यक्षेत्रात १९ हजार ५००एकर ऊस उपलब्ध आहे. कारखान्याने १० लाख मे.टन गाळपाचे उदिष्ठ ठेवलेले आहे. उदिष्ट पुर्तीसाठी कमी पडणारा ऊस आपण गेटकेन विभागातुन आणणार आहोत. (Ozar News)

तसेच एकरी उत्पादन वाढीसाठी कारखान्याचे ऊस विकास विभागामार्फत मार्गदर्शन करण्यात येते. जानेवारी २०२६ पासून आपण सर्व सभासदांना फोटो सह स्मार्ट कार्ड देणार आहोत. तरी सर्व सभासदांनी के.वाय.सी. करुन घ्यावी. म्हणजे स्मार्ट कार्ड तयार करणे व वितरण करणे सोईचे होईल, असे अहवान सत्यशिल शेरकर यांनी केले. (Ozar News)

अध्यक्षीय भाषणात आमदार शरददादा सोनवणे यांनी करखान्याचा प्रगतीचा आढावा घेऊन कारखान्यास नेहमीच माझे सहकार्य राहील तसेच राज्यात दुष्काळी परिस्थिती आहे. त्यामुळे आपले कुकडी प्रकल्पाचे पाण्याचे योग्य नियोजन केले जाईल असे म्हणाले. कार्यक्रमाचे प्रमुख पाहुणे म्हणून खासदार अमोल कोल्हे यांनी विविध विषयांवर सखोल मार्गदर्शन केले. (Ozar News)

प्रारंभी उपस्थित सर्व मान्यवरांच्या हस्ते विधीवत गव्हाणीचे पुजन करुन गव्हाणीत मोळी टाकण्यात आली. याप्रसंगी, माजी आमदार अतुलशेठ बेनके व सभापती संजय काळे, आदिंनी यावेळी आपले मनोगत व्यक्त केले. (Ozar News)

गाळप हंगामास शुभेच्छापर मनोगत व्यक्त करताना सर्वांनी कारखान्याच्या अडीअडचणीत सर्वोतोपरी मदत करण्याचे आश्वासन दिले. तसेच कारखाना अतिशय उत्तम पध्दतीने चालवित असल्याबद्दल चेअरमन सत्यशिल शेरकर व संचालक मंडाळाचे कौतुक केले. उपस्थितांचे आभार व्हाईस चेअरमन अशोक घोलप यांनी मानले. कार्यक्रमाचे सुत्र संचालन सुहास शेटे यांनी केले. (Ozar News)

Ozar News : ओझरमध्ये रंगला साहस, निसर्ग आणि अध्यात्माचा अनोखा संगम