पुणे : ग्राहक विश्वासाच्या बळावर पुणे बांधकाम क्षेत्रात गुणवत्तापूर्ण निवासी व व्यावसायिक प्रकल्पांच्या उभारणीत वेगळी व ठळक ओळख मिळवण्यात यशस्वी झालेल्या श्री वेंकटेश बिल्डकॉनच्या रौप्यमहोत्सवी वर्षाच्या आनंदोत्सवाची सांगता रंजक साहित्य गप्पा व शानदार संगीत मैफलीने झाली. कोथरूडमधील काकडे फार्मच्या मैदानात शनिवारी (१० जानेवारी) वेंकटेश बिल्डकॉन परिवारातील समाधानी कुटुंब व त्यांच्या घरातील सदस्यांच्या हजारोंच्या उपस्थितीने ही सायंकाळ संस्मरणीय ठरली. प्रतिथयश गायक- संगीतकार पद्मश्री शंकर महादेवन यांची संगीत रजनी, राष्ट्रीय पुसस्कार विजेते शास्त्रीय गायक राहूल देशपांडे यांची सुगम संगीताचे सादरीकरण आणि लोकप्रिय अभिनेता संकर्षण कर्हाडे व अभिनेत्री स्पृहा जोशी यांच्या खुमासदार शैलीतील कविता आणि गप्पांचा कार्यक्रमाने श्री व्यंकटेश परिवारातील ग्राहक व त्यांचे कुटुंबीय मिळून बारा हजारांहून अधिक जणांच्या उपस्थितीने हा सांगता सोहळा शानदार असा झाला. कार्यक्रमाच्या सुरवातीला खुमासदार सुत्रसंचालन- कविता – गप्पा आणि किस्स्यांनी अभिनेता संकर्षण कर्हाडे व अभिनेत्री स्पृहा जोशी यांनी उपस्थितांच्या चेहऱ्यावर हसु फुलवले. त्यानंतर राहूल देशपांडे यांनी गणेश स्तवन, कट्यार काळजात घुसली या चित्रपटातील रागदारी आधारित गाणी सादर करीत उपस्थितांची वाहवा मिळवली तर तिसऱ्या सत्रात सुप्रसिद्ध गायक – संगीतकार शंकर महादेवन यांनी आपल्या हिंदी व मराठी लोकप्रिय गाण्यांची अक्षरशः बरसात केली. आणि अनेक गाण्यांवर उपस्थितांना ताल धरायला त्यांनी भाग पाडले. यावेळी महाराष्ट्र राज्याचे उद्योग मंत्री उदय सामंत, आमदार किरण सामंत, स्टेट बँक ऑफ इंडियाचे उपमहाव्यवस्थापक (आयएफबीशाखा) अशिष जैन, प्राप्तीकर विभागाचे माजी मुख्य़ आयुक्त संजय शिवम, श्री वेंकटेश बिल्डकॉनचे अध्यक्ष व व्यवस्थापकीय संचालक अंकुश आसबे, संचालक (बांधकाम व तंत्रज्ञान) श्री.लहुराज आसबे, सौ. शुभांगी आसबे, संचालिकाकु. पियुषा आसबे आणि संचालक (मार्केटिंग अँड सेल्स) अमित मोडगी यांचा समावेश होता. रौप्यमहोत्सवाच श्री वेंकटेश बिल्डकॉनच्या वतीने मागील वर्षभर विविध उपक्रमांचे आयोजन करण्यात होते ज्यामध्ये आरोग्य तपासणी शिबिर, रक्तदानशिबीर, वृक्षारोपण, बांधकाम कामगार व त्यांच्या कुटुंबियांचे विविध शिबिरांचे आयोजन या व अशा अनेकविध उपक्रमांचा समावेश होता. श्री वेंकटेश बिल्डकॉनच्या पहिल्या ग्राहकाचा सत्कार या आगळ्यावेगळ्या रौप्यमहोत्सवी सांगता समारंभात श्री वेंकटेश बिल्डकॉनचे अध्यक्ष व व्यवस्थापकीय संचालक अंकुश आसबे , संचालकलहुराज आसबे यांच्या हस्ते श्री वेंकटेश बिल्डकॉन ने आतापर्यंत उभारलेल्या विविध गृहप्रकल्पांच्या सोसायटी अध्यक्ष, सचिव व कोषाध्यक्षांचा सन्मानचिन्ह व पुष्पगुच्छ देवून यथोचित सन्मान करण्यात आला. विशेष म्हणजे शुभम रेसिडन्सी या श्री वेंकटेश बिल्डकॉनच्या पहिल्या प्रकल्पातील पहिले ग्राहक श्री आनंद शेवाडकर यांचा सत्कार करण्यात आला. श्री वेंकटेश बिल्डकॉनतर्फे आपल्या पहिल्या ग्राहकांचा करण्यात आलेली हा सत्कार उपस्थितांना अधिक भावून गेला.
