Shreyas Iyer Breaks Rohit Sharma Record Most T20I Runs In Calendar Year : न्यूझीलंडविरुद्धच्या पाच सामन्यांच्या टी-२० मालिकेतील सुरुवातीचे तीनही सामने खिशात घालणाऱ्या भारतीय संघाचा विजयरथ चौथ्या सामन्यात रोखला गेला. प्रथम गोलंदाजी स्वीकारणाऱ्या भारताला किवींच्या फलंदाजांनी निष्प्रभ करत ७ बाद २५९ धावांचा डोंगर उभारला, जो आंतरराष्ट्रीय टी-२० मध्ये भारताविरुद्धची सर्वोच्च धावसंख्या ठरली. प्रत्युत्तरात भारताचा डाव १७२ धावांत गारद झाल्याने संघाला ८७ धावांनी मोठा पराभव पत्करावा लागला. मात्र, या सामन्यात २२ धावांची खेळी करत कर्णधार श्रेयस अय्यर याने एक मोठा पराक्रम आपल्या नावावर केला असून, माजी कर्णधार रोहित शर्माला एका खास विक्रमात मागे टाकले आहे.

एका वर्षात सर्वाधिक धावा करणारा भारतीय कर्णधार –

टी-२० विश्वचषक २०२६ नंतर सूर्यकुमार यादवच्या जागी भारतीय संघाचे कर्णधारपद स्वीकारणाऱ्या श्रेयस अय्यरने नव्या विक्रमाला गवसणी घातली आहे. तो आता एका कॅलेंडर वर्षात कर्णधार म्हणून आंतरराष्ट्रीय टी-२० मध्ये सर्वाधिक धावा करणारा भारतीय फलंदाज बनला आहे. यापूर्वी हा विक्रम रोहित शर्माच्या नावावर होता. रोहितने २०२२ मध्ये २९ सामन्यांत २४.२९ च्या सरासरीने ६५६ धावा फटकावल्या होत्या. श्रेयस अय्यरने २०२६ या एकाच वर्षात २५ सामन्यांत ३१.७१ च्या सरासरीने तब्बल ६६६ धावा कुटत रोहितला मागे टाकले आहे; यात त्याच्या एका शतकाचा आणि दोन अर्धशतकांचा समावेश आहे.

एका वर्षात सर्वाधिक टी-२० धावा करणारे भारतीय कर्णधार –

१. श्रेयस अय्यर – ६६६ धावा (वर्ष २०२६)

२. रोहित शर्मा – ६५६ धावा (वर्ष २०२२)

३. सूर्यकुमार यादव – ४८४ धावा (वर्ष २०२६)

४. विराट कोहली – ४६६ धावा (वर्ष २०१९)

५. रोहित शर्मा – ३७८ धावा (वर्ष २०२४)

कर्णधार म्हणून पदरी पडला नववा पराभव –

📉 SHREYAS IYER’S CAPTAINCY RECORD RAISES CONCERNS! 😱🏏

Shreyas Iyer has already suffered 9 defeats in just 23 T20Is as India’s captain! 💔

📊 Most T20I Losses by Indian Captains:

🏏 MS Dhoni – 28 losses (70 matches)

🏏 Virat Kohli – 16 losses (48 matches)

🏏 Rohit Sharma – 12 losses (62 matches)

🏏 Shreyas Iyer – 9 losses (23 matches)

🏏 Suryakumar Yadav – 8 losses (50 matches)

🔥 9 defeats in just 23 matches! Iyer’s captaincy record is under the spotlight!

#ShreyasIyer #TeamIndia #T20I #Cricket

— CricInformer (@CricInformer) October 30, 2026

एकीकडे बॅटने मोठा विक्रम आपल्या नावावर केला असला, तरी कर्णधार म्हणून ऑकलंडमधील लढत श्रेयससाठी निराशाजनक ठरली. श्रेयसच्या नेतृत्वाखाली खेळताना भारतीय संघाचा हा २३ टी-२० आंतरराष्ट्रीय सामन्यांमधील नववा पराभव ठरला आहे. या नकोशा आकडेवारीसह तो सर्वाधिक आंतरराष्ट्रीय टी-२० सामने गमावणाऱ्या भारतीय कर्णधारांच्या यादीत सूर्यकुमार यादवच्या पुढे गेला आहे.

हेही वाचा – Shreyas Iyer Reaction : ‘पॉवरप्लेमध्येच सामना हातातून निसटला!’ ऑकलंडमधील पराभवाच खापर श्रेयस अय्यरने कोणावर फोडलं?

मालिका जिंकली तरी अय्यर पुढील आव्हाने कायम –

भारतीय संघाने पाच सामन्यांची मालिका आधीच ३-१ अशी आपल्या नावे केली असली, तरी ऑकलंडमध्ये ज्या प्रकारे गोलंदाजी आणि फलंदाजी ढेपाळली, त्याने संघ व्यवस्थापनाच्या अडचणी वाढवल्या आहेत. आगामी महत्त्वाच्या स्पर्धांच्या दृष्टीने गोलंदाजीतील त्रुटी दूर करणे आणि मोठ्या धावसंख्येचा पाठलाग करताना सातत्य राखणे, हे कर्णधार म्हणून श्रेयस अय्यरपुढील प्रमुख आव्हान असणार आहे.