निमोणे : पुणे जिल्हा परिषद पुणे आणि जिल्हा क्रिडा अधिकारी कार्यालय पुणे यांच्या संयुक्त विद्यमाने तालुकास्तरीय योगासन स्पर्धा जे जे इंटरनॅशनल स्कूल करंदी येथे आयोजित करण्यात आल्या होत्या. या स्पर्धेत शिरुर तालुक्यातील ४० शाळांतील दीडशे विद्यार्थ्यांनी सहभाग घेतला होता. या स्पर्धा मुले व मुलींच्या १४ वर्ष, १७ वर्ष आणि १९ वर्ष अशा तीन वयोगटातून खेळल्या गेल्या.

या तालुकास्तरीय योगासन स्पर्धेत वाघेश्वरचे एकूण १८ विद्यार्थ्यांनी विविध गटातुन सहभाग नोंदवला. त्यापैकी पाच विद्यार्थ्यांची जिल्हास्तरावर निवड झालेली आहे. १७ वर्षे गटातुन प्रथम क्रमांक कुमारी चैत्राली सोपान वाबळे, चतुर्थ क्रमांक साहिल उल्हास शितोळे. १९ वर्षे वयोगटातून प्रथम क्रमांक उदय अशोक जगताप, तृतीय क्रमांक वेदांत पतंगराव शिंदे, चतुर्थ क्रमांक अथर्व भागवत कारखिले या पाच विद्यार्थ्यांची जिल्हा पातळीवर निवड करण्यात आली आहे.

या सर्व यशस्वी विद्यार्थ्यांना प्रशालेचे क्रिडाशिक्षक बी. पी .येवले ,योग मार्गदर्शक, आर वाय कांबळे , गायकवाड, अमित माने, प्रशांत वाळुंज, नितीन गवळी विजय कराळे, मिलिंद निंबाळकर, स्वाती दळवी, मनीषा कारखिले यांचे मार्गदर्शन लाभले. या सर्व यशस्वी विद्यार्थी व मार्गदर्शक अध्यापकांचे संस्थेचे अध्यक्ष अनिल बोरा, शालेय समिती अध्यक्ष प्रकाश बाफणा, सचिव प्राचार्य नंदकुमार निकम, प्रशालेचे प्राचार्य रामदास चव्हाण, उपप्राचार्य गणपत बोत्रे, पर्यवेक्षिक संपदा वेताळ, शाळा व्यवस्थापन समितीचे अध्यक्ष सुरेश ढमढेरे, उपाध्यक्ष बालाजी कांबळे, पालक शिक्षक संघाचे उपाध्यक्ष सचिन फराटे व सर्व सदस्यांनी अभिनंदन केले.