Pune Crime News : पुण्यातील वाढत्या गुन्हेगारीच्या घटनेने अनेक प्रश्नचिन्ह निर्माण होत आहेत. याचदरम्यान आता सहकार नगर परिसरात गोळीबाराची घटना घडली आहे. बुधवारी रात्री दुचाकीवरून आलेल्या चार अज्ञात हल्लेखोरांनी एका तरुणावर गोळ्या झाडल्याने परिसरात खळबळ उडाली आहे.

या गोळीबार प्रकरणातील सर्व ४ आरोपींना पुणे पोलिसांनी अवघ्या काही तासांत अटक केली आहे. जुन्या वादातून हा गोळीबार करण्यात आला होता, ज्यामध्ये एक तरुण गंभीर जखमी झाला आहे.

पोलिसांनी या प्रकरणातील मुख्य सूत्रधार आदित्य थोपटे याच्यासह त्याच्या इतर तीन साथीदारांना अटक केली आहे. या घटनेमुळे सहकार नगर आणि आसपासच्या परिसरात काल रात्री काही काळ तणावाचे वातावरण निर्माण झालं होती.   (Pune Crime News)

मिळालेल्या प्राथमिक माहितीनुसार, मुख्य आरोपी आदित्य थोपटे आणि जखमी तरुण यांच्यात गेल्या काही दिवसांपासून जुना वाद सुरू होता. याच वादाचा वचपा काढण्यासाठी बुधवारी रात्री आरोपींनी सहकार नगर परिसरात पीडित तरुणाला गाठलं. त्यांच्यात झालेल्या वाद होताच आरोपींनी तरुणावर थेट बंदुकीतून तीन गोळ्या झाडल्या. या गोळीबारात संबंधित तरुण गंभीररीत्या जखमी झाला आहे.   (Pune Crime News)

गोळी लागल्याने रक्ताच्या थारोळ्यात पडलेल्या या तरुणाला स्थानिक नागरिकांनी तातडीने जवळच्या रुग्णालयात दाखल करण्यात आलं. सध्या त्याची प्रकृती चिंताजनक असून, त्याच्यावर अतिदक्षता विभागात उपचार सुरू आहेत.

पुणे पोलिसांची धडक कारवाई; ४ आरोपी जेरबंद   (Pune Crime News)

या घटनेची माहिती मिळताच सहकारनगर पोलिसांसह वरिष्ठ अधिकारी घटनास्थळी दाखल झाले. पोलिसांनी परिसरातील सीसीटीव्ही फुटेज ताब्यात घेतले असून हल्लेखोरांचा शोध घेण्यासाठी विशेष पथके रवाना करण्यात आली आहेत. अखेर पोलिसांनी कौशल्याने तपास करत मुख्य आरोपी आदित्य थोपटे याच्यासह इतर तिघांनाही अटक केली आहे.

दरम्यान, गोळीबारासाठी वापरण्यात आलेले शस्त्र आरोपींना कुठून मिळाले, या कटात आणखी कोणाचा सहभाग आहे का आणि वादाचे नेमके कारण काय होते, याचा सखोल तपास पोलीस करत आहेत. Pune Crime News

हेही वाचा: 

Chandrapur Bribery Case : काम होताच ५ हजारांची लाच मागितली; आरोग्य विभागाचा कर्मचारी अडकला एसीबीच्या जाळ्यात